عرض الإصدار الكامل : قصائد المرحوم جبار شدود


الشاعر سعد مشكور العبادي
03-04-2007, 03:39 PM
اهله_______________
هلي لليوم منكم ماتبريت
هذاك انه الوفي وذاك انه ابنكم
هلي روحي عزيزه وعيب ذليت
وتستهظم تلوذ بغير فيكم
هلي ليكم رسايل شوك وديت
ووصل مكتوبكم ليه وصوركم
هلي عليكم جثيره ادموع هليت
وعليه ادريبه مابطل دمعكم
هلي كلش تراده الحال سليت
وجذب سني ابتشر لحظه منهدكم
هلي بطرك البدن مشدوه ضليت
عفت روحي رهينه وكلبي عدكم
هلي بكل سجه من هالوطن خليت
خطوه اذكر الناسيني منكم
هلي وتدرون موش بكيفي صديت
غصب ضعني حده وشت عن ضعنكم
هلي وباجر لون للديره رديت
اذوبن شمعه فوك حروف اسمكم

ابو يحيى
03-04-2007, 10:18 PM
الى كل الشهداء الاحياء في المقابر الجماعيه

وادي الموت..
وادي الموت بيه يعله الصده ويعكد السان الصوت .

مظلم والحيايه الركطه ترس الكاع ........ تلدغ واليزل من نابهن مبخوت

والنسمه الوكف عثره بدربه الريش.... صارت من تهب تحني ابمهبهه التوت

وغدت سوده السمه وحومر زراك الماي .. ..

وفراتين المحبه الكبل تروي الفاي....... شلالات دم تنزف بوادي الموت

تنزف والجثث صارت طعم للدود..... لادمعة محب لاصرخه لا تابوت

غسلهه النزف وجروحهه الكافور ..... وجفنهه هدومهه وجتاله الزاتوت

وممنوع البجي وحرمو دمع العين....مطلوبه الثجاله بديه للطاغوت

تبيع الذخرته الغدر الوكت والعوز...... تراجي امن الصبه وباون عرس وبتوت

وتدفع للردي بكد الرصاص فلوس ....... وبن المدري ابنمن يبني بيه بيوت

وبن المدري ابنمن يبني بيهه بيوت

للاسف وافاه الاجل في ايام كتابتها ولم يكملها راجين دعائكم له بالمغفره والرضوان

ابو يحيى
03-05-2007, 04:22 AM
السيره الذاتيه للشاعر الراحلمواليد الناصرية 1961

زاول كتابة الشعر الشعبي في وقت مبكر من حياته.

ساهم في انتفاضة آذار الباسلة مع أبناء الناصرية في الهجوم على مؤسسات البعث القمعية، وابلى بلاء العراقي الغيور الشجاع، باذلا روحه الطيبة في كل المعارك، وكان آخرها أن حاصر مع مجموعة من الرجال مبنى مديرية الطرق والجسور، حيث كان يقيم الفريق الركن نزار الخزرجي، وكان الأخير وصل إلى الناصرية مع عدد من الضباط وجنود الحماية معينا من سيده الطاغية حاكما عسكريا للناصرية، وجازف جبار بنفسه من اجل إنقاذ الشهيد عبد الحليم البكاء الذي استشهد في ذلك الحصار.

بعد فشل الإنتفاضة غادر العراق إلى سفوان في الطريق إلى مخيم رفحاء والتقيته هناك مع أشقائي الثلاثة وأمي.

غادر المخيم إلى الولايات المتحدة لاجئا في العام 1995

رحل يوم الأحد الموافق 23.5.2004 في حادث سيارة مؤسف في ديترويت/مشيغن.

أحب العراق بصدق الرجال الوطنيين الأحرار، وكتب فيه معظم قصائده الشعبية الوطنية.

مماكتبه في مخيم رفحاء مناجيا العراق البعيد القريب.



قصيدة ودفتر وشاعر

القصيده تحنت من الهام لطراف الجدم بالدم

والدفتر تمزك من كَوات الريح

والصّرح التشلبه على السما تهدم

والشاعر تعنَّه بسجة المامش

يدوّر للجرح بلسم

ولكَه السجَّه مكَابر والتفك جناز

وصبيِّ الشمس من نورهه تيتم

وجفوف الرجاهن عون : جف خبزه

والآخر نعش للخطار

حيث بعمره مايسلم

ودفك دمع الهضيمه على الوجن نهرين

من شاف الربع تتشمت على الطاح

وشفاف الشماته بدمعه تتبسم

عض بهام جَفَّه وصفك راح براح

من شاف الحسبهم نار بجناح العسر تلهم

الثلج منهم يصيح اشاه

وجدام التسير برايهم تندم

وصرخ صرخه يفز من صوته الميت

وينزع جفنه وعلى الكون يتولم

يالمتانين شمتانين!؟؟

جذب شمل النجم يلتم

فزعنه مشرعبين ارواح فوك جفوف

مادنكنه هام بملكه المحتَّم

ديرتنه عزيزه وبيهه حتى النار جنَّه

بعين أهلهه وشوجهه بريسم

اووصل دم النشامه لحد رجاب الخيل

وبطك الفشك صدر السمه توسم

ونتم سكته لامن صوت

لاتفكه التطك

وبجيله تتوهم

سكارى مشرغدين بنشوة الكاسات

وعيون الثجالى ولاجفن سلهم

بحضن الزانيات مساهرين الليل

وسنون اليتامى سنين بسنون الضحج تحلم

وابد مامرت على خشومكم ريحة عراق

ويه الهوى النسم

صبرنه وصار حفنه سنين

صبرنه ناكل صبر نشرب صبر نشتم

ومامش لاحمد بيَّن

ولاجتف السفينه

على الجرف جدم

يلمتانين شمتانين

عمت عينه الكضت ربعه السيوف وبعده يتحزم
اللحد طمه الخذت ربعه السيوق وبعده يتحزم
جبار شدود مستوحات من رثاء الشاعر طارق حربي له

ابو يحيى
03-05-2007, 04:33 AM
عفوا تصحيح لخطا املائي

واهديكم هذه الومضه الوطنيه للشاعرالراحل جبار شدود

الكدت وتصاهلت وتشايمت بيك.......المنايه وغارت بزودك يخيال

دلت وترادفت ولتمت اعليك........ التفت لب الكلب والتشده البال

سهل ظنتك ومن كربت ليك......... لكت عزمك عراضه اوصوت مهوال

ولكت غيضك جهنم لليعاديك........ يعالي المايذل شانك عسر حال

رئيس التحرير
03-05-2007, 07:49 AM
اغنية رغم بعدك

للشاعر الراحل جبار شدود
غناء والحان رعد بركات

http://www.raadbarakat.com/Voice/ya-3eraq/ragum-bo3dak-raad-barakat.wma

كاظم آل جابر السماوي
03-05-2007, 08:14 AM
قصيده كتبها في داري وانا حثثته عليها واهداه للامام علي الاكبر عليه السلام وقرات في موكب الجمهور الحسيني وكان جالسا تحت المنبر وانا الذي قراتها بصوتي وعيونه كانت تدير نحوي وكانه يقول ياكاظم لاتكتب القصيده الا بالحسجه وعندما اتممتها قبلني وبكى وقال لتكن لي شفيعه عند الامام الحسين عليه السلام
موكب الجمهور امريكا ديترويت 2000
...............................................
القصيده

تعنه الاكبر العوده وترخص منه وتقدم
طالت ركبته من الزود ببنه احسين وتشيم
طفح غيظ الاسد واحتد وتغير حاله ورسومه
رعيد الهاشمي يرعد وصاح ابصوته بالحومه
وينه البي عزيمه وزود وينه الكفو وبي زومه
يكابلني ويشوف اشلون يغرك من نزيف الدم…….
…………………………………………….
توسط كوم اميه وصاح هاذا انه ابن اخو العباس
حفيد الحيد داحي الباب وابوي احسين تاج الراس
يتشيد ابحبنه الدين واتطب جنة الله الناس
ولو مايجري دمنه اليوم سور الدين يتهدم
……………………………………

صال وجال بالميدان وسوه الماجره ولا صار
حوم ولا كته الغربان ذعرهه واصبحت طشار
بركان وتفجر غيض موت احمر يصب ونار
وشحده اعله جف النار يكرب جف البريسم
…………………………………….
دفك بحر العزيمه وفاض غيره وغركت اكتاره
كدرهه ولكاهه افصال متفصله اعله مكداره
فزع ومن الدمه اعلكاع خله انهار تتجاره
وخلاهه تصيح الغوث وعونه اليخلص ويسلم
………………………………………
رد ومن العطش متعوب ومحتام اعله كطرة ماي
صد عينه ونده يحسين نار وشبت اويحشاي
احوم وطايح ابنارين مابين العطش واعداي
وشب ابكلب ابو السجاد موكد للحزن والهم
………………………………….
يبني منين اجيب الماي يسيفي ورايتي وعودي
اصبر والصبر يرويك شح الماي من جودي
صاح ابزود انه العود لهد العاليه ابزودي
براح الجف لحط الروح واعله الموزمه اتحزم
…………………………………….
تعنه ايودع امه وشال جفه ومسح دمعتهه
وكلهه ادعيلي اجازي ارباج ييمه وهاذي ساعتهه
يعين الله كلبهه اشلون من ودعت شمعتهه
وبوسام الشهاده الحيد ضحه ابروحه وتوسم …
……………………………………
بهاي الغيره وبها الزود تذل اسيوف تهوه ارماح
لاخر كطره دم بالروح متوشح بصبره اوشاح
شنهو الموت والتابوت يتوجه الجرح لوطاح
ليله الجابت وربت احسين الخلف وعلم
……………………………………
الشاعر جبار شدود

ابو يحيى
03-05-2007, 04:22 PM
ولك هذه الترانيم من الشعر والشعر التجليبه للشاعر جبار شدود رحمه الله

ميت واليموت الدمع شيفيده
زماني مسودن وشعره الكلب بيده
.......................................
شعره الكلب بيده وتزري حالتهه
وهو مسودن نشيد وخايفه ايعتهه
هضيمه اتصير فرجه كبال شامتهه
وهي جليلة صبر وجروحهه مجيده

مجيده جروحهه وعمده الدهر يردح
عليهن والليالي موزره وتملح
نطر عيده اليتيم ايصبح او صبح
او بدموع الطبك غسل وجه عيده

غسل وجه عيده الكلب بدموعه
عينه اعله الطريج اوعالك اشموعه
يفر من صدري يبغي اويشرك ضلوعهه
شما رجده ابمجانه صعب ترجيده

شيرجده ابمجانه البلمصايب غط
شبه ماي الصواني ابوكته يتلطلط
بثكال الهموم ايناكل اوينحط
شما خفن عليه فركاكم ايزيده

ايزيده فراكم وعليه يجيل الهم
ياليسري ذجركم ويه مسره الدم
عجب من تالي ينغز تم البريسم
حسج سعدان صار اومحد ايريده

ماواحد يريده اونشد يوم اعليه
ابحفه تراب باعه البالذهب شاريه
شبه نار المواكد شوكه مضرم بيه
يصيح اوينتخي وفزاعته بعيده

ابعيده السجه ليكم والدرب مسدود
نشف موحان عمري اوفرهده الصيهود
كصه ابروحي العطش من عكب ذاك الزود
عكله اتشتت وصابتهه السويده

صابتهه السويده وتمت بلا راي
عميه وماتوجد الراح من الجاي
اتوجه اتوجي ليهه اوموش لن بهداي
اوشتل رمحه الوكت بم ركبة الغيده

غيده اوجانت ويه الريح تتسابك
يفحط لوتبعهه السهم مايلك
هيله اعله اليكول اتعثر لوتزهك
وصفت ياحيف بجفوف الهجر صيده

صيده وماظن الصياد يرحمهه
يبي يكري اوسواجي ايعمر ابدمهه
حد سجينته اوللذبح ولمهه
يريد اتنوخ جدامه وتبوس ايده

تبوس ايده يريد وبيه تتوسل
وهي الغير الخلكهه تنهضم تنذل
مظن يفلت عنكه بهذا الماطل
وترهه اعله العكرهه وتنحر البيده

ابيده اصبحت روحي اوفاركاهه الفيض
اوحته اكلوب اهلهه اعليهه شالت غيض
مرن جم شته ابغربتهه وشجم كيض
ماتفعل تنام اوليلهه اتهيده

ماتفعل تنام وعييت امن النوم
كل يوم اليمر تنشد وكله اليوم
شحت لاطروش اولاتجيهه اعلوم
اوعكب ذيج الحبايب تمت اوحيده



لكم قبلاتي

عادل الحنبوزي
03-05-2007, 09:06 PM
أخوتي الاعزاء
سعد مشكور
كاظم الجابر
ابويحيى
لكم شكري وعظيم أمتناني على هذه المجموعه الشعريه الرائعه للمرحوم جبار وياريت ترسلون المزيد لان في نيتي ان اجمعها في( كتيب)وفاءا منا للمرحوم الراحل ونحافظ على تراثه ولكم مني كل الحب
اخوكم
عادل الحنبوزي

ابو يحيى
03-05-2007, 09:29 PM
اخي العزيز عادل سوف ابذل مابوسعي لكي اجمع هذه القصائد واتلوها لك وللاخوه على هذا الموقع الجميل لك فائق حبي

ابو يحيى
03-05-2007, 11:57 PM
مواويل للشاعر جبار شدود رحمه الله

هيه ياعراق الفخر ومجادك النه اوسمه
عالي وعلى كل اسم اسمك تعله اوسمه
وعله الجبين ارسمت حبك علامه اوسمه
حيث انته لهل الكرم والجود منبع وصل
ومهما بعدني الوكت ونكطع حبل ال وصل
.ماسوم بيك وعلي لو كطعوني وصل
وين الكه مثلك وطن لودور ارض اوسمه

.................................................. .........

وهذا الموال الذي يسبق القصيده المسماة قصيده ودفتر وشاعر

اشتاك ونطر وحن وهمتم وهيمن وهم
هم لاجن اشهم جهنم بيه تسعر وهم
لاهم يهمهم ولا همهم جدمهم وهم
وتميت انه ولاتيت ومحبتي باتت وبت
ثابت وروحي ابت بسراري ابوحن وبت
عابت اعضاي وبلت ومست عليله وبت
كل همهه بيهم وهم جذبه وهواهم وهم
.................................................. ....

لكم شوقي ومحبتي

كاظم آل جابر السماوي
03-06-2007, 01:06 AM
مواويل للشاعر جبار شدود رحمه الله

--------------------------------------------------------------------------------

مواويل للشاعر جبار شدود رحمه الله

هيه ياعراق الفخر ومجادك النه اوسمه عالي وعلى كل اسم اسمك تعله اوسمه
وعله الجبين ارسمت حبك علامه اوسمه
حيث انته لهل الكرم والجود منبع وصل
ومهما بعدني الوكت ونكطع حبل ال وصل
.ماسوم بيك وعلي لو كطعوني وصل
وين الكه مثلك وطن لودور ارض اوسمه

.................................................. .........

وهذا الموال الذي يسبق القصيده المسماة قصيده ودفتر وشاعر

اشتاك ونطر وحن وهمتم وهيمن وهم
هم لاجن اشهم جهنم بيه تسعر وهم
لاهم يهمهم ولا همهم جدمهم وهم
وتميت انه ولاتيت ومحبتي باتت وبت
ثابت وروحي ابت بسراري ابوحن وبت
عابت اعضاي وبلت ومست عليله وبت
كل همهه بيهم وهم جذبه وهواهم وهم
.................................................. ....

لكم شوقي ومحبتي

رئيس التحرير
03-06-2007, 01:28 AM
مماكتبه في مخيم رفحاء مناجيا العراق البعيد القريب.

قصيدة ودفتر وشاعر

القصيده تمنت من الهام لطراف الجدم بالدم
والدفتر تمزك من كَوات الريح
والصّرح التشلبه على السما تهدم
والشاعر تعنَّه بسجة المامش
يدوّر للجرح بلسم
ولكَه السجَّه مكَابر والتفك جناز
وصبيِّ الشمس من نورهه تيتم
وجفوف الرجاهن عون : جف خبزه
والآخر نعش للخطار
حيث بعمره مايسلم
ودفك دمع الهضيمه على الوجن نهرين
من شاف الربع تتشمت على الطاح
وشفاف الشماته بدمعه تتبسم
عض بهام جَفَّه وصفك راح براح
من شاف الحسبهم نار بجناح العسر تلهم
الثج منهم يصيح اشاه
وجدام التسير برايهم تندم
وصرخ صرخه يفز من صوته الميت
وينزع جفنه وعلى الكون يتولم
يالمتانين شمتانين!؟؟
جذب شمل النجم يلتم
فزعنه مشرعبين وراح فوك جفوف
مادنكنه هام بملكه المحتَّم
ديرتنه عزيزه وبيهه حتى النار جنَّه
بعين أهلهه وشوجهه بريسم
ووصل دم النشامه لحد رجاب الخيل
وبطك الفشك صدر السما توسم
ونتم سكته لامن صوت
لاتفكه التطك
وبجيله تتوهم
سكارى مشرغدين بنشوة الكاسات
وعيون الثجالى ولاجفن سلهم
بحضن الزانيات مساهرين الليل
وسنون اليتامى سنين بسنون الضحج تحلم
وابد مامرت على خشومكم ريحة عراق
ويه الهوى منسم
صبرنه وصار حفنه سنين
صبرنه كل صبر نشرب صبر نشتم
ومامش لاحمد بيَّن
ولاجتف السفينه
على الجرف جدم
يلمتانين شمتانين
عمت عينه الكضت ربعه السيوف وبعده يتحزم
لحد طمه الكظت ربعه السيوف بوعده يتحزم

أبوذيات في حب العراق
تلوج الروح والشامت شفاهه
تلح بسمك فلا فارك شفاهه
تعال وجيب لجروحي شفاهه
ملح من جيح كاع الناصريه
جلانه اللاحيه بوجهك ولعراك
بأرض لالنه أصل بيهه ولعراك
فوك الحاك هم وشواك وجه امي ولعراك
مضن شاخاتهن وعرضن بيه

زهيري كتبه ردا على استهزاء شرطي سعودي بالمذهب الشيعي!!

شمابيك حيل ارتفع يغراب حلِّكْ علي
ماتخلص شماطرت والله العظيم العلي
والجان مالك عرف بيه انشد اهلك علي
كرار امامي علي ويحجون الك شي عَنَهْ
احنه الفلا عالخصم وغير الصدك شيعنه
ماجوز من مذهبي وللموت اظل شيعي انه
وجرحني لوماشفت يسري ويه دمي علي

زهيري
أشتاك وانطر وحن واهتم وهيمن وهِم
هم لاجن شهم جهنم بيه تسعر وهم
لاهم يهمهم ولاهمهم جدمهم وهم
وتميت أنا ولاتبت ومحبتي باتت وبت
ثابت وروحي أبت باسراري ابوحن وبت
عابت عظامي وبلت ومست عليه وبت
كل همهه بيهم وهم جذبه وهواهم وهم

رئيس التحرير
03-06-2007, 01:30 AM
مانزعت صبرها ---- للشاعر المرحوم جبار شدود

جرالي الماجره ولا شافته العين
والما صار صار بحالي يا صاح
بالباجر يحن وينصح البين
ها حسبة وكت واتعدي وارتاح
أطاوعهه وتعاند واصبر سنين
وأخاوي الحزن واتكابحني الأفراح
ربيع وماتت أبعزه البساتين
شذكر وا شّفت واندم على الراح
شرك وعيون تربي من الروازين
ولا بيرغ امبشر من بعد لاح
داست كاعهه ولاح العثك طين
بعد ما ينفع الهه مصافك الراح
واشيهه تشفّه وحنّه جفين
وشامت شم خبرهه وهلهل وصاح
دهر صار وصبرهه اتبده صوبين
ولا يرهم لباب الفرج مفتاح
مكابر وي وكتهه وما رضه ايلين
وتولاهه بنبل وسيوف ورماح
عنيده وما تجل من وحده واثنين
تطيح وتنهض وبيرغهه ما طاح
كفاهه بلونهه الماخلط لونين
ولا نزعت صبرهه بملكه الأوكاح
رهت بجفوف أديهه بوجه الوكحين
وعلت مثل الثريه وذل أبو جناح
يداويهه الصبر وبضيجهه يعين
ويصير الهه متاع ورفجه وسلاح
مصيبتهه مثل خلك الفراكين
على سجه بلايه روح ومالت أرواح
أناشدهه شبعد بيج وتتانين
ولا مليتي وانتي بطرك سبّاح
لو بالصبر كل علّه تداوين

ابو يحيى
03-06-2007, 01:26 PM
موال للشاعر جبار شدود عندما استقبل الشاعر عريا السيد خلف في مطار ديترويا في امريكا..

حي الله من زارنه وهلال عيده هله
ولوعطش بحر الشعر يتروه من من هله
مية هله بجيته وكل هله تنكل هله
حيث النه ابيض كلب وطباع وبيض وجه
هيج علي ساكني وجانون شوكي وجه
بثيابه ريحة هلي جاباهه ويا وجه
وتوه الدليل انتشه من روايح هله
.................................................. .
فاجابه الشاعر عريان السيد خلف بموال قائلا

حياك يامن صحت يوم الشفتني هله
وحس الكلب بيك تحمل طيبتك من هله
اهلي واهلك صفو للطيب اهم من هله
وما عبسو للكصدهم بالشدايد وجه
وجانونهم كل وكت ناره سريه وجه
الجان كلبي كصد لديار غربه وجه
معذور حكه الدمع ليهم يكت من هله

ابو يحيى
03-06-2007, 01:30 PM
موال للشاعر جبار شدود عندما استقبل الشاعر عريا السيد خلف في مطار ديترويت في امريكا..

حي الله من زارنه وهلال عيده هله
ولوعطش بحر الشعر يتروه من من هله
مية هله بجيته وكل هله تنكل هله
حيث النه ابيض كلب وطباع وبيض وجه
هيج علي ساكني وجانون شوكي وجه
بثيابه ريحة هلي جاباهه ويا وجه
وتوه الدليل انتشه من شم روايح هله
.................................................. .
فاجابه الشاعر عريان السيد خلف بموال قائلا

حياك يامن صحت يوم الشفتني هله
وحس الكلب بيك تحمل طيبتك من هله
اهلي واهلك صفو للطيب اهم من هله
وما عبسو للكصدهم بالشدايد وجه
وجانونهم كل وكت ناره سريه وجه
الجان كلبي كصد لديار غربه وجه
معذور حكه الدمع ليهم يكت من هله


اسف في الاولى يوجد خطا في النقل

ابو يحيى
03-06-2007, 06:06 PM
يعز الدار والديره......تظل انته الحبيب المانحب غيره

عراق اوكلمن ايعاديك ساحك عالضير ونازع الغيره

يصنكر ياتفك مامل شواجيره

يتوت المايهزك ..ريح يموكف العقل . يمحير الحيره
يضنونك هب يصدي.. يلنهم غشمه مايدرون . عثماني اوصافيه الليره
يعز الدار والديره...........

ابو يحيى
03-06-2007, 06:28 PM
قصيده وطنيه للشاعر جبار شدود القيت في مهرجان في مدينة ديترويت
.................................................. ...........................................

يعز الدار والديره......تظل انته الحبيب المانحب غيره

عراق اوكلمن ايعاديك.. ساحك عالضير ونازع الغيره

يصنكر ياتفك مامل شواجيره..

يتوت المايهزك ريح .. يموكف العقل . يمحير الحيره

يضنونك ذهب يصدي.. يلنهم غشمه مايدرون .. عثماني ذهبه اوصافيه الليره

يعز الدار والديره...........

تظل للموزمات اوللمراجل حد

اوتظل اعمارنه العينك كحل وسنينهن مرود

اويظل صوت التفك هلهولة امعرسين مايتخورسن وزمورهن تبرد

شوصف بيك يالعمرك مفاخر مايعدهن عد

يظل طبعك طبع كاشان يعتك كل جديد اوعمره يتجدد

وبعد زلمك لهسه مناحره النيران . والغيره غضب بالروس تتواكد

مابينه اليمد جفه ويصافح ناس ضحكت سنهه جذابه وكلبه اسود

ولابينه اليزامط كبل ساعتهه ا وفتل ذرعانه وتوعد

ولابينه التعذر من فشهن ثار لو ذل اوتوانه وخاف وتحدد

احنه اولاد ملحه اوعدنه عيد الموت.. مابينه الغفه اعله فراشه وتوسد

احنه الماطوانه الليل.. وحنه الجبنه صبح الناس .. نبيع اعمارنه ولاحكنه يتفرهد

كصب بردينه يغدي ارماح.. او يشحط لو سمع هلهولة ام شرغد

ابو يحيى
03-06-2007, 07:05 PM
قصيده غزليه للشاعر الراحل جبار شدود بعنوان

يسبقها موال يقول فيه

ياجوري ديرة هلي اوطبع الوفه شامتك
لوفاح عطرك ترد روحي لون شامتك
ماعاش بيك الغدر والحنه جف شامتك
ليش الخجل مانعك عني اوعلي حاجبك
لا والذي ماجعل لوله ونسه حاجبك
لتمرجح اويه الزلف وصعد عله حاجبك
وكعد ابفي كذلتك وشنم عطر شامتك
.................................................. .......................
اما عنوان القصيده هو

نسايم شوك

جور اشما جرت بالروح تتحمل.. حلو اوطبع الحلو اعله الناس يتدلل

اولو تطلب عيوني ابحجة المحتاج .. ماردلك طلب ماهوب ومحلل

يانبع الحسن يالبيك شمرة ريم .. يترهدن غوه اومن ظله يتجفل

اويالخدودك تلالي امراية معرسين .. يمكطوع الخصر يزغير يمدلل

ترف يالبطه ساكك يبهر العينين.. يشع وبلا حجل مبروم ومحجل

يبو جفوف البريسم ياشتل ريحان ..يالطعمك عسل يهلال عيد اوهل

اويالشفافك مصيبه الجوري منهه ايغار.. اويزعل عالنده ومن مستحا يذبل

دخليني اعله بالك ولو مره وشوف.. هلبت ينكسرلك خاطر اوتقبل

بلجي ايهبن ابروحك نسايم شوك.. وبجلمة اشلونك من تمر تسال

يالمنكع ابكلبي اوكلبي ناكع بيك لاصد عنك اولا من دلالك مل

امك جابتك يسمر غضب عالناس.. ياهم ياقهر ياجرح ماينشل

وازتني المحبه وشتهيتك موت ..ويهنياله اليموت اوبيك يتعلعل

وهنياله اليلف روحه اويه طولك كون ..اومثل خيط الوشيعه بدورة المغزل

اصد لعيونك اوتلزمني رجفة خوف.. اوسبع موتات اموتن شوك الك وعدل

وهيم ابحور عينك والرموش ارماح ..هندس والكحل من لونهه اتكحل

وتيه بليل شعرك وطرب ابممشاك.. اويفضحني الشعر وبطولك اتغزل

ومن تكبل عليه هروش كلبي اتذوب.. بعض تنهش بعض وعليك تتواكل

وتبعك مو بديه ايعتني ليك الشوك.. ويردني المستحه امن اتمايزك وخجل

ودور عالسوالف من اكرب ليك.. يموتن عله شفافي ولوني يتبدل

وحس ابكلبي ليك ايرف رفيف الطير.. ومثل ابن السبيل وبيك يتوسل

وخلاني هواك ابحيرة الوهواس.. احظنك مشتهي اوخايف ولك تزعل

وخاف ايكتن ادموعي اعله جتفك سيل.. وتذوب رويحتك وموازنك يختل

وخافن ياترف بجفوفي زبده اتموع.. اوشيلمك بعد تبليني وتمشكل

شيلمك بعد تبليني وتمشكل
.................................................. .................................................. .
تحياتي وقبلاتي لقراء اشعار المرحوم جبار شدود

ابو يحيى
03-07-2007, 02:28 AM
حبيبي عادل ..ان بخدمتك مادمت تورخ لشاعر يستحق ان ياخذ مكانه الصحيح في الوسط الشعري حيث انك تعرف انه لم يحظى بتغطيه اعلاميه للاسف وانت شاعر وتعرف ما امكانيه جبار شدود الشعريه
وبما انك تستشعر الراحه عندما تدون لهذا الصرح الشعري فتاكد اني سوف القي ما في جعتي من اشعار لك وللاخوه الشعراء والمشعرين
لكن انا اود ايضا ان اقرا باقلاكم شعر لجبار شدود او في رثاء جبار شدود
علما اني احفظ الكثير الكثير له حتى ققص وحكايات القصائد الشعريه ولك هذه القصيده وهي من روائع ماكتب

ابو يحيى
03-07-2007, 02:40 AM
قصيده للشاعر جبار شدود رحمه الله
القصيده كتبت في مخيم رفحاء..


كافي من الكلت والكال وحجايه الجذب وسرار مفظوحه

كافي اوموش ياهو الكام كال انه ونكث روحه

بعد غربيلهه ايغربل والناعم يطيح اشما يظم روحه

يهالتنشد توث احنه عرجنه اوموش مرجوحه

اوتاه احسابهه اشتحسب عليمن تشره اوتعتب

دنيه اوضاع بيهه الزين وتساوه الكشر واللب

ناس اوعايشه ابوجهين حيره اشتكره اوشتحب

يكلبي الدنيه شرجي وياك جا يمته الشمال ايهب

دفتر صرت للصدعات وقلام الدهر تكتب

ليمته اتسامر اويه الليل وتناغه اويه نجماته

وليمته اتنطر المامش وذوب ابنار حسراته

حسبت اليسوي الزين يتجازه اعله طيباته

اثاري ابنادم امنيطيح اخوته اتصير شماته

حيل اوياك يبنادم.. يلن طبعك طبع هاون تجيه امنيده طكاته

تجيه امنيده طكاته
.................................................. ......
تحياتي لك ولكل الاخوه القراء

الشاعر سعد مشكور العبادي
03-10-2007, 02:04 PM
جبار شدود

كريم الجسار

تردد بين المقربين منا , وخاصة تلك المجموعة من الشعراء والمهتمين بالشعر الشعبي , بأني وصديقي الشاعر الراحل جبار شدود, نكتب قصائدنا, ونختار مفرداتنا, ونرسم صورنا بذهنية واسلوب متماثلين , او لنقل أنه نوع من تبادل الخواطر والألحان.. ولكي نزيل أو نؤكد شكوكنا نحن الإثنين , وشكوك أصدقاءنا , من هذا التماثل العجيب, كما يدعي أصدقاؤنا.. إقترح علي صاحبي ان نكتب قصيدة واحدة , وبقافية ووزن واحد, على ان تبدأ بأحرف اسمينا.. ومنذ البدء وجدنا أن هناك فارقا بين عدد حروف إسمه واسمي .. فإسم صاحبي يتكون من ثمانية حروف , أما إسمي فيتكون من عشرة حروف..ولم ندع ان تكون هذه المفارقة سببا للتخلي عن تنفيذ الفكرة, فتم الاتفاق بيننا على أن يكتب هو (جبار شدود مع) واكتب انا (كريم الجسار).. وهكذا أصبحت الأحرف في بدايات أسطر القصيدة تكوّن عنوان القصيدة وهو:



جبار شدود مع كريم الجسار
جرالي الماجره ولا شافته العين

والما صار صار بحالي يا صاح
بالباجر يحن وينصح البين

ها حسبة وكت واتعدي وارتاح
أطاوعهه وتعاند واصبر سنين

وأخاوي الحزن واتكابحني الأفراح
ربيع وماتت أبعزه البساتين

شذكر وا شّفت واندم على الراح
شرك وعيون تربي من الروازين

ولا بيرغ امبشر من بعد لاح

داست كاعهه ولاح العثك طين

بعد ما ينفع الهه مصافك الراح
واشيهه تشفّه وحنّه جفين

وشامت شم خبرهه وهلهل وصاح
دهر صار وصبرهه اتبده صوبين

ولا يرهم لباب الفرج مفتاح
مكابر وي وكتهه وما رضه ايلين

وتولاهه بنبل وسيوف ورماح
عنيده وما تجل من وحده واثنين

تطيح وتنهض وبيرغهه ما طاح

كفاهه بلونهه الماخلط لونين

ولا نزعت صبرهه بملكه الأوكاح
رهت بجفوف أديهه بوجه الوكحين

وعلت مثل الثريه وذل أبو جناح
يداويهه الصبر وبضيجهه يعين

ويصير الهه متاع ورفجه وسلاح
مصيبتهه مثل خلك الفراكين

على سجه بلايه روح ومالت أرواح
أناشدهه شبعد بيج وتتانين

ولا مليتي وانتي بطرك سبّاح

لو بالصبر كل علّه تداوين
نشرت في مجلة الطريق بقلم الشاعر المبدع كريم الجسار

الشاعر سعد مشكور العبادي
03-10-2007, 02:08 PM
صاحبي جبار شدّود
كريم الجسّار





كان الشعر , والحديث عن الشعر سبيلنا كل ليلة لنعبر من خلالهما ليالي مخيمات اللجوء في صحراء العربية السعودية.. تلك المخيمات التي جمعت ألوانا من الثوار والسياسيين , إلى جانب العديد من أنصاف المثقفين والشعراء والفناتين والتجار وكتيبة التسفير !! وكنا صاحبي جبار وانا ندرك بواقعية إن أي تغيير في حالنا ليس بالامر اليسير , سيما وأن وضعنا الماساوي هذا مرتبط بالأساس بتطور القضية العراقية وملفها.. وهكذا كان علينا ان نحتمل الكثير وان نصبر وان نلعق جراحنا لحين أن ينبلج نهارنا الذي طال..وكانت احاديثنا, واحلامنا المؤجلة وقصص عن السفر إلى المجهول تتشابك وتندمج مع الحديث عن الشعر والناصرية وأم جبار وشارع الحبوبي ..



و.. يكاظم مهجتي الهجران عادمهه

راح الجان سلوتهه وينادمهه


رحم الله داخل حسن.. كان مثل شارع الحبوبي في وجدان وقلب جبار شدود.. كما كان جبار ونيسه وستار جبار وكمال محمد وحسين نعمه , يطرقون ذاكرته بأغانيهم وما تحمله من حنين واشواق وذكريات ..وكانت أغنية (غريبه الروح) عزاءه الذي جعله يتحمل رمال الصحراء ورياحها وشمسها المحرقة..ويا حريمه



يا حريمه العين ما توسع حلمهه

ويا حريمه جروحك تبات على دمهه

وبخلت على العطش غيمه.. يا حريمه


كان جبار يستانس بالحديث عن الناصرية ويفاخر حتى بنعتها بالشجرة الخبيثة !! ويتحدث بحرارة وبتفصيل عن سبب هذه التسمية وعن تلك الشجرة التي قلعها الأنكليز وهي تحمل على أغصانها بعض ثوار ثورة العشرين.. كما كان يحدثني بفخر واعتزاز كبيرين عن صديقه الشهيد البطل اسماعيل ياسررحم, وعن محمد أبو صدأ والذي كتب له أغنية الشهيد والتي قامت بأدائها فرقة الثوار في المخيم ومنها يقول..

يحشّم بربعه وأخوته

هيّ ولكم موته موته


ولم ينقطع عن ذكر أصدقائه والشخصيات التي كانت قريبه إلى نفسه..أو توقف يوما عن الترنيم بمواقع واسماء الأماكن المحببه إلى قلبه.. فيتحدث عن بدر الرميض وحمدي الحمدي وثامر الحموده وحاج مطرب وأبو معيشي ومجيد جاسم الخيون وزامل سعيد فتاح, والبدعه وأفيائها وعن الفرات الخالد.. ووودت إلا أن يحملها معه إلى راحته الأبدية فقلت له:



اتعذرلتك من نشد ماي الفرات

ونشدت البدعه ونخلهه وطينهه

ونشدن بيوت بسواد امكبعات

والفرح دهرين بينه وبينهه

ونشدت الجانت على هدومك ثبات

وبتصاويرك تبرد اونينهه

شافهه الحبوبي تبجي ويه الصلاة

ونزل من تمثاله يمسح عينهه


كانت مدينته الناصرية تجوب في عقل وروح جبار شدود , الشاعر والإنسان والثائر والعاشق للعراق عشقا لا يضاهيه عشق .. كتب الكثيرمن الأغاني للعراق ..

يدار الطيب والطيبين يل جنة عدن نارك
ويوم اللي نشوقك عيد عدنه ويوم المبارك
ولكنك يا صاحبي..


ما شفت الوطن بس الوطن شافك
نايم نومة العريس وضمادك حلم والضحكة بشفافك
يجن تضحك على الدنيه ونفضت حمول همهه التعبت اجتافك
وغمضت على حلمك خفت لا ينباك
باجر جايك يا عراك
فك باب الصبر واتربّه للمشتاك
ما طولك حضيت بسيف سيافك
تلكاك بحنان الوالد الملهوف
عفته (13) بس هو ما عافك

ولكن القدر المشؤوم لم يمهله لكي يلتقي بعراقه وأحبته وفراته وازقة مدينته التي عشقها..
أما والدته فكانت الأقرب إلى قلبه ومشاعره.. فلم تخل قصائده واحاديثه عن شوقه الكبير لضم والدته إلى صدره وتقبيل أياديها.. كما كان كثير الحديث عنها وعن صلابتها وحبها له , وكيف كانت تتابعه من سجن إلى آخر وهو يتنقل في سجون الطاغية صدام من الناصرية حتى القائم, حيث كانت آخر زيارة قامت بها وهو في خيمة اللجوء في صحراء السعودية .. وحين رآها عن بعد قال لأصحابه (هاي مشية طريقة) .. وطريقة هو إسم ام جبار..

يبني إجيتك جرحي يدي
بخيمتك ليله أرد اثبات
عين تبجي عليك دجله
وعين تبجيلك فرات


كما كتب لأمه أغنيته الشهيرة ..



ييمه وداعتج دوم على بالي
ورسمج لحظة ما فارك خيالي

وإنتي بحالي تدرين..بيه لا تهمين

المهم حالج ييمه .. ايهون حالي

ييمه وداعتج دوم على بالي


الحديث عن صاحبي جبار شدود, او (أبو ستيره), كما كان يحلو لي أن اناديه, لا يكفي بتعداد خصاله وأحاديثه الشيقة, وأشواقه لأهله ولوطنه, واحزانه التي تتراكم كالجبال على مخيلته وأحاسيسه.. فكتبت له..


أبو ستيره .. دنيه والوادم جثيره
منهم الواكح الليل امواكح الغبشه اوكف شبه بجزيره

ومنهم استاحش ظلمته وصار يجفل من صفيره

ومنهم الواكح زمانه ومنهم اليرضه بمصيره

وفرق بين اليكد كدّه وينعفس عفسة الطيرة

وبين اليسابك الجامه وينجوي السانه بزفيره

وانت أخوي المارخص مثل الرخص واخلف ضميره

ولا تدنّه السفرة السياف ذل هام القصيدة

وبدّل بماي الوجه اللكمه الفطيره

إنت إبن حرّه ومثل ما كتلي صار

اللبنه درّتهه (طريقة)

وطفحت بوجنتك غيره

وموش كل ثدي اليدر باللبن غيره

يجن تدري الوعد جاي

وتدري بأيامك كصيره

تحملت نار الغريب بصبر موكد

من يشب تضوي الوجوه

ويعجب الخطار من يلهب سعيره

وجدمت لآخرتك التنحمد بيهن

شمع ظلمه ولمع صافيهن مثل لمعة الليره

وحزنتلك ديره بكبرهه , وهو مو كل اليموت بهالوكت تحزنله ديره

الموت عدنه امعاشر وصارله سنين

اشما بلش يبلش بالبيوت الفقيره

وكل صبح نترسّم بوجوه الجرايد

زافه طيور انذبح بيهن رصيف

لو كصيبة طفله مذبوحه على طيف

لو وطن ملغوم ودروبه عسيره

لو ضماير ناس ما تبجي على ناس

وهي دوم على اللسن سيرتهه سيره

كافي اتعبك وإنته توّك شفت للراحة درب

كافي وإنت سنينك الحلوات دمعه على الهدب

بساع إجت وبساع راحت

مدري يا نسمة هوه البيهه استراحت

راحة البحار من يدنه الجزيره

ايشوف أهل بيته ويه لمسات التراب

ويلبس ثياب ويذب ذيج الثياب

وينطوي بكاعه طوي الحنّه بظفيره

ينذخر عد حيدر يأمن بكاعه

وعد أبو العباس مامونه الذخيره


لقد رحل عنا هذا الطائر بغفلة من الزمن وهو في ريعان شبابه .. وعندما أصبح الوطن اكثر قربا وأحلامه بلقاء والدته وأهله ووفرات مدينته قاب قوسين او أدنى, أمتدت إلى جبار يد المنون وخطفته من أهله واحبته..ولكن وهو الثائر والشاعر والعاشق بحب الوطن سيبقى خالدا في ذاكرة العراق وذاكرة جميع من عايشه وتعرف عليه..

الشاعر سعد مشكور العبادي
03-10-2007, 02:11 PM
جبار شدود... وداعاً
أبو مسلم الحيدر
iraqimuslim@hotmail.com
الحوار المتمدن - العدد: 851 - 2004 / 6 / 1


عرفته شهماً رجلا رائعاً بأفكاره..محترماً لأفكار الآخرين الذين يختلف معهم.. صديقاً وأخاً .. ممتلئاً بالحب العراقي الأصيل.. لم تتعبه سنين الغربة ولا أيامها العجاف.. يملئه الأمل بالعودة الى أرض الخير والمحبة ليحتضن نخيل الناصرية.. ويشم رائحة العذق الفواحة... كان ..كما هو حال كل بنات وأبناء تلك الأرض الطيبة .. كان دائم الحنين وكان حنينه بحرقة ودمع... جبار... شاعر عشق العراق..كل العراق... لم نكن دائما متفقين ولكنه ما أبتعد ولا للحظة عن عراقيته الأصيلة... كله حنان... دافئاً حين يتغنى بالعراق.. بالهور والجبل... بدجلة والفرات.. بالبصرة والموصل... بدهوك والناصرية... وكان يتحرق للعودة و(يلملم) أشيائه متهيئاً للعودة... أول المساهمين بكل فعاليات خدمة الوطن .. أمه وأبيه... كان حبه للعراق كل رأس ماله... كنت أحس به وبكلماته وقصائده عن العراق... فهي من الروح .. و"الى الروح تسري بدون عناء".. نبكي حينما ينشدنا عن العراق... ونشعر بالأمل حينما يتغنى بقصيده الرائع عن أفراح العراق .. تنبأ لنا أن نرى المجرمين في جحور الفئران...وصدقت نبوئته
لكم أشعر بالألم لعدم رؤيتي له بعد عودتي من العراق.. لأحكي له عن المدن العراقية الحبيبة التي زرتها .. عن الموصل وكركوك وتكريت وبغداد وبعقوبة والحلة والنجف وكربلاء والناصرية والديوانية وحبيبته السماوة... ولكنه رحل ....
جبار... بكتك عيون العراقيين في الغربة... وكان وداعك مناسبة للعراقيين في مشيكانأمريكا مناسبة لتجديد العهد على العمل يدا واحدة لأجل العراق.. عهد قطعوه على أنفسهم بالهوسات التي صدح بها صوت أيوب الأسدي وشريف الحسناوي وعلي عبوسي وكل الشعراء الآخرين... أنت ياجبار ستبقى وذكراك في قلوبنا... فحتى في وداعك كنت جامعا لأبناء بلدك الذين أحببتهم ... فليرحمك أرحم الراحمين .. وليسكنك فسيح جنانه...




--------------------------------------------------------------------------------
الموقع الفرعي في الحوار المتمدن : أبو مسلم الحيدر

الشاعر سعد مشكور العبادي
03-10-2007, 02:12 PM
سلام كوبع العتيبي
ghurba8@hotmail.com
الحوار المتمدن - العدد: 864 - 2004 / 6 / 14


عزيزي جبار .. لم تعد الناصرية كما كانت ... ولم نعد نستطيع الوقوف في شارع الحبوبي ... ولن نستطيع أن نغني كما كنا .. ولا حتى أنت تستطيع أن تكتب شعر .. وعليك أن تهجره إلى الأبد .. لم تعد الناصرية كما هي يا جبار بعد أن هجرها أهلها إلى المنافى والكثير إلى الموت ... لم تعد الناصرية كما كانت .. الناصرية انتقلت إلى السواد ؛ وتوزع أهلها ولا أعرف أين يسكنون ... لم تعد الناصرية كما كانت ... سافرة المدينة النائمة على الفرات ؛ وتحشرجت الأغنية ؛ وأغلق المذياع ؛ ولم يعد هنالك داخل حسن .. لم يعد هناك حسين نعمة .. .. لم تعد الناصرية كما كانت ... هل تدري أن الفرات جف وتوقف عن الجريان ... لم تعد الناصرية كما كانت ... الناصرية دهستها دبابة أمريكية قبل آذان الفجر بسنوات... ويقولون انتحرت بسبب التضخم البعثي الذي أصاب دماغها بعد أن هجرها أبنائها ...لم تعد الناصرية كما كانت ... في نفس الركن المقتول مازال يجلس سهيل عبد الله ولكنه ؛ ولكنه محكوم بالموت من البعثيين الجدد الذين يرتدون الجبة وقطعة قماش دائرية فوق رؤوسهم ... ويقولون أن الحبوبي أصبح لاجئا في الصومال بعد أن هدم نصبه في شارعه.... لم تعد الناصرية كما كانت .... هل تدري أن محسن خريش ورواياته وكتبه وقصصه صادرته القوات الأمريكية .... لم تعد الناصرية كما كانت .. ولم تعد أشعارك ترقصنا بعد أن ذهبت بعيد .. لم تعد الناصرية وأبنائها كما كانت ؛ الموت .. الموت .. الموت سحق كل الأرواح ..
لا أدري هل مازال علي جوده يغني ؛ إذا مو إلك المن روحي تشتاك ... عساهن ما اجن أيام الفراك ..... يعشك إصباي أنت ونور العيون ... ميهمني لوم إلي يلومون ... مادام بهوانا الناس عشاك ..
ألم اقل لك يا جبار أن علي جوده إذا أخذ هذه القصيدة ما يدفع لنا فلوس المشروب ... وبعدها تصير مشكله مع سيد فرج .. ولكن أنت قررت أن يأخذها.. والآن من يدفع حساب سيد فرج ؟؟.. المهم خيره بغيره ... راح آخذ فلوس من عبد الرضا عناد وبعدين يحله الحلال ؛ وأنت كمل ولحكني يم دكان علي زغير أو ما أعرف وين ... أو روح نام وبدون دوخت راس ويه مفارز الجيش الشعبي ( ولد النعل ) ..
لم تعد الناصرية كما كانت .... تدري حتى أيام مفارز الجيش الشعبي كانت تسلية لنا .. حلوين هؤلاء الكلاب ؛ وهم يرتدون الزيتوني ومسدساتهم تلعب فوق مؤخراتهم والله كأن واحدهم ( رنكو ) .. وحلوين يوم الانتفاضة واحدهم أسرع من المرسيدس ها ها ها ...
لم تعد الناصرية كما كانت ولم يبقى منها سوى أغنية يا حريمه إنباكن الجلمات من فوك الشفايف يا حريمه ... لم تعد الناصرية كما كانت .. ولا شارع الحبوبي .. ولا حامد الذي قاري .. ولا اعرف شيء عن كريم حيال ...

الناصرية يسودها الذباب
وأشياء أخرى
قبورا حفرت في الليل
فوق قبور شيوخ القرية
النواعير صدئة ... دمرها الجفاف ...
وعباءة أختي بللها نقل الماء من جب عند حدود الموت
الناصرية ... يسودها الحزن
وعناقيد حبات الموت تتساقط
زنوا بها أبناء الليل
من أول طلوع الفجر
حتى نهايات العمر المثقل
أطفال الناصرية
غطوا عورتهم بالبيرغ
وصورة نبي مصلوب
ودعاء علي
في عصر بزوغ الشمس
والديمقراطيات

لم تعد الناصرية كما كانت ... الكل يترقب عودتها ... ولكنها انتحرت يا جبار شدود عند سماعها نشيد خروج روحك الطيبة .... وداعا جبار ... سنلتقي قريبا ونغني .... هلي وياكم يلذ العيش ويطيب .. ونسايمكم تداوي الجرح ويطيب .........

الشاعر سعد مشكور العبادي
03-10-2007, 02:12 PM
في رثاء جبار شدود

طارق حربي



مواليد الناصرية 1961

زاول كتابة الشعر الشعبي في وقت مبكر من حياته.

ساهم في انتفاضة آذار الباسلة مع أبناء الناصرية في الهجوم على مؤسسات البعث القمعية، وابلى بلاء العراقي الغيور الشجاع، باذلا روحه الطيبة في كل المعارك، وكان آخرها أن حاصر مع مجموعة من الرجال مبنى مديرية الطرق والجسور، حيث كان يقيم الفريق الركن نزار الخزرجي، وكان الأخير وصل إلى الناصرية مع عدد من الضباط وجنود الحماية معينا من سيده الطاغية حاكما عسكريا للناصرية، وجازف جبار بنفسه من اجل إنقاذ الشهيد عبد الحليم البكاء الذي استشهد في ذلك الحصار.

بعد فشل الإنتفاضة غادر العراق إلى سفوان في الطريق إلى مخيم رفحاء والتقيته هناك مع أشقائي الثلاثة وأمي.

غادر المخيم إلى الولايات المتحدة لاجئا في العام 1995

رحل يوم الأحد الموافق 23.5.2004 في حادث سيارة مؤسف في ديترويت/مشيغن.

أحب العراق بصدق الرجال الوطنيين الأحرار، وكتب فيه معظم قصائده الشعبية الوطنية.

مماكتبه في مخيم رفحاء مناجيا العراق البعيد القريب.



قصيدة ودفتر وشاعر

القصيده تمنت من الهام لطراف الجدم بالدم

والدفتر تمزك من كَوات الريح

والصّرح التشلبه على السما تهدم

والشاعر تعنَّه بسجة المامش

يدوّر للجرح بلسم

ولكَه السجَّه مكَابر والتفك جناز

وصبيِّ الشمس من نورهه تيتم

وجفوف الرجاهن عون : جف خبزه

والآخر نعش للخطار

حيث بعمره مايسلم

ودفك دمع الهضيمه على الوجن نهرين

من شاف الربع تتشمت على الطاح

وشفاف الشماته بدمعه تتبسم

عض بهام جَفَّه وصفك راح براح

من شاف الحسبهم نار بجناح العسر تلهم

الثج منهم يصيح اشاه

وجدام التسير برايهم تندم

وصرخ صرخه يفز من صوته الميت

وينزع جفنه وعلى الكون يتولم

يالمتانين شمتانين!؟؟

جذب شمل النجم يلتم

فزعنه مشرعبين وراح فوك جفوف

مادنكنه هام بملكه المحتَّم

ديرتنه عزيزه وبيهه حتى النار جنَّه

بعين أهلهه وشوجهه بريسم

ووصل دم النشامه لحد رجاب الخيل

وبطك الفشك صدر السما توسم

ونتم سكته لامن صوت

لاتفكه التطك

وبجيله تتوهم

سكارى مشرغدين بنشوة الكاسات

وعيون الثجالى ولاجفن سلهم

بحضن الزانيات مساهرين الليل

وسنون اليتامى سنين بسنون الضحج تحلم

وابد مامرت على خشومكم ريحة عراق

ويه الهوى منسم

صبرنه وصار حفنه سنين

صبرنه كل صبر نشرب صبر نشتم

ومامش لاحمد بيَّن

ولاجتف السفينه

على الجرف جدم

يلمتانين شمتانين

عمت عينه الكضت ربعه السيوف وبعده يتحزم

لحد طمه الكظت ربعه السيوف بوعده يتحزم



أبوذيات في حب العراق

تلوج الروح والشامت شفاهه

تلح بسمك فلا فارك شفاهه

تعال وجيب لجروحي شفاهه

ملح من جيح كاع الناصريه



جلانه اللاحيه بوجهك ولعراك

بأرض لالنه أصل بيهه ولعراك

فوك الحاك هم وشواك وجه امي ولعراك

مضن شاخاتهن وعرضن بيه

زهيري كتبه ردا على استهزاء شرطي سعودي بالمذهب الشيعي!!

شمابيك حيل ارتفع يغراب حلِّكْ علي

ماتخلص شماطرت والله العظيم العلي

والجان مالك عرف بيه انشد اهلك علي

كرار امامي علي ويحجون الك شي عَنَهْ

احنه الفلا عالخصم وغير الصدك شيعنه

ماجوز من مذهبي وللموت اظل شيعي انه

وجرحني لوماشفت يسري ويه دمي علي

زهيري

أشتاك وانطر وحن واهتم وهيمن وهِم

هم لاجن شهم جهنم بيه تسعر وهم

لاهم يهمهم ولاهمهم جدمهم وهم

وتميت أنا ولاتبت ومحبتي باتت وبت

ثابت وروحي أبت باسراري ابوحن وبت

عابت عظامي وبلت ومست عليه وبت

كل همهه بيهم وهم جذبه وهواهم وهم

الشاعر سعد مشكور العبادي
03-10-2007, 02:34 PM
قصيدة مهداة الى روح الشاعر المرحوم

جبار شدود

****

مشوار العمر

***

صبح بيك الـﮔـلب ممرود

يمن ﭼـلماتك الحلوه حديقة

وضاحكه بورود

يالطولك قصيدة

والقوافي احدود

يا ابيض ﮔـلب معروف

مالابس اهدوم السود

يمن عندك حضور بكل

وكت مشهـود

يمن خطيت اشعارك لعود حسين

ولعند حسين

والعباس راعـي الجود

يمن ﭼـان الوطن همك

رحتله بروح من ﭼـان الدرب مسدود

يمن سيف القلم بيدك

لا

مو سيف

برنو يرعـد ابارود

ردناك لسلفنه اتعود

ردناك لسلفنه اتعود

لاﭼـن حيف الف يا حيف

ﮔضيت العمر بالغربه

ونعش رديت بيه ممدود

لهب جمرة مصابك

تحرﮔـلها اﭼـبود

صعب طبع الافراﮒ وانت تعرف بيه

وهذي ما تريد اشهود

رميت اسهام هجرك بيه سبيت الناس

وكل ﮔـلب اليحب طايح ومصيود



لوّن ثوب المنيه لفلفك جبار

تظل بـﮔـلوب التحبك عايش وموجود

ويظل رسمك يمر على البال

يالزارع محبه وطيب

هاك شهود

حُكم ثابت تـﮔـوله الناس

باليزرع محبه اشيرجه بالمردود

يريد الوادم اتذكره

وهذا حاصل المحصود

رحت ابساع الف ياحيف يالكلك ترافه

وطيب يا ابو الزود

مشيت ابدرب مايعرف يرد الراح

والراح على دربه من يرده اردود

منك نـﮔـطع الظنه لو هم وترد وتعود

ولو ندري الوكت محدود

ولو طبع العمر مشوار ماينـﮔـص شبر ميزود

لاﭼـن بالحزن ننعاك ياصيهود

ونظل كل الليالي بذكرك وطرواك

الف رحمة على روحك يا ابن شدود

الف رحمة على روحك يا ابن شدود

الف رحمة على روحك يا ابن شدود

**************

قاسم هندي السماوي

ناشفيل تنسي

12\6\2004

الشاعر سعد مشكور العبادي
03-10-2007, 02:38 PM
نجم عذوف
الى / الشاعر المرحوم جبار شدود
افاقت ذات صباح حدود الوهم ، نزعت اسوار سومر ذاتَ صباحٍ سومر سَوَّرت سنواتها ، سَوَّرت سنواتها الزقورات ( غريبة اسنينه بحلم المحطات ومحطات الحلم صارت بعيدة نزعنه ارواحنة بليل المعثرات ولبسنة الغربة بعيون القصيدة )

انتزعت اشلاء المدن ،

تواريخها

غناءها اللامسموع

ايقوناتها

اتجهة صوب مراثيها

مَنْ يجرؤ ان يغلق هذيانها

مَنْ ...

مَنْ ...

ثَمَّ فاصل بين هذيانها ،

وبين اللاوعي

بين بقاءها وبين البقاء

بين سنواتها وبين السنين

بين اسوارها وبين المعلن

بين ...

بين...

بين قيثارتها وبين ( حضيري ابو عزيز )

( شِد روحك مسافه وليل

واشهك ريه فحطانة

دوس اعله السنين وشله اجويريد

وكمط بارح بصفنات حزنانه )

تلوا اناشيدهم على السنوات ،

فتحت اوروك معابدها

دخل السماويون

الناصريون

المقير

سوق الشيوخ

الشطرة

هور الجبايش

جاء ( مظفر النواب )

( حمد رجه الجرح فوك السنين

حمد رجفة خناجر

حمد ريل ومحطات

حمد ... حمد ... حمد ...

حمد هو ضمير الناس

حمد صوت المشاحيف )

فتحت اوروك قلبها

نهض ( نوى )،

بجفافٍ بقدر الطوفان المنسي

لبس ذاته ثُمَ فرَّقها

بَصَّرَ إبصارتهُ

هو الذي ....

هو ....

هو ....

رتل اشارات العقل

رتل بيان الجفاف المستكين

هطلت تواريخه ،

انبياء ،

حكماء ،

فقراء ،

نغمٌ اعمى

هطلت نفوسا تنعى شاهدها

( فز غبشه نزيف الكاع

نِدَ وركه بواجيه

توجه اعله الزمان وكام

نخه بحركه محاجية

وكع لا كام ..

وكع والتم شكل ثاني

ونهض بعظام )

كابوس القلق الهزيل يرمي اشياءه

الاسوار ترتعد ،

تنازع هزيعها الاخير

تمسك السماء صمتها

ترمي ضبابها

ترتفع

تنخفض

الاسوار هرمت

الاسوار بدأت

اقدام العابرين ايقظت صمت الايقونات

العرافة قرأت كف الاسوار

ستنطفئ السماء

سترمي اشلاءها

الهزيع الاخير يبعثر انتظاراتنا

( روح اتوجت اعله الموت

جرف يبجي شواطيه

نزف ليل المشه سكتة

حزن نخله اعله برحية )

حينما نامت الاسوار

جاء هو ...

هي ...

هم ...

مدت الاسوار ذراعها

ناموا

حلموا

لم يفيقوا ،

لن تكن هناك حكايا اخرى

نستظل بها من جنونا

اذا موعدنا هو الرحيل

عادل الحنبوزي
03-11-2007, 03:30 PM
الى
الاخ سلام كوبع المحترم
لقد كنت قاسيا جدا على الناصريه
بعدها ديار اهلنه تفوح طيب وهيل
وبعدها الناصريه شموع تضوي بليل
عكد الهوى
بعده يعزف بعود
ويغني شعر جبار شدود
بعدها ولايتي ريانة أخدود
وحمد بعده أيتغازل من يشوف الريل

لك كل الحب

عادل الحنبوزي
03-11-2007, 03:39 PM
عفوا اخي سعد
قصيدة (هلي لليوم منكم ماتبريت)
لك ام للمرحوم جبار ؟

الشاعر سعد مشكور العبادي
03-11-2007, 04:31 PM
الاخ العزيز عادل
كل ماينشر في هذه الصفحه هو للمرحوم جبار
قصيدة هلي لليوم منكم ماتبريت للمرحوم جبار شدود
وشكرا للاهتمامك

ابو يحيى
03-11-2007, 09:19 PM
عزيزي الاخ سعد ه>ه القصيده المسمات هلي للشاعر جبار رحمه الله تنقص ثلاثه سطور وانا احفط السطر الثاني منها

هلي يللي ابعزتكم تربيت هلي ياليسري دمي ابمسره دمكم

والشطر السابع وهو

هلي مشتاك جدمي العتبت البيت اوتربي عيوني يوميه الدربكم

واحفظ عجز السطر الثامن ال>ي يقول

العمرهندس كضه ومامش كمركم

اخي ابوعلي مع ه>ه الابيات سوف تبقى القصيده صدر واحد وانا سوف احاول ان اتيك به
شكرا لك ولكل الاخوه والاخوات

ابو يحيى
03-11-2007, 09:38 PM
دارميات للشاعر جبار شدود والشاعر عريان السيد خلف في مساجله بينهما

قال الشاعرعريان السيد خلف عندما عارضه بعض الاخوه عند قدومه الولايات المتحده الامريكيه

غربه وطريج ابعيد وتواردوني وينه اليضحي الروح بالشده دوني

فاجابه جبار رحمه الله قائلا

هذا انه الك ذرعان جربهن وشوف مدهن عله الكلفات تلكاهن سيوف


كما قال الشاعر السيد عريان

عميه وحدرهه فروح وحترك عشهه والصكر كام ايحوم ساعه ولكشه

فاجابه جبار شدود رحمه الله مجاريا له

عميه وحدرهه افروخ والحوم اجاهه وبعشهه طب عربيد ولتف وراهه

وهناك بعض ابيات الدارمي احفظها له منها
.................................................. .................................................

غمك يبين الشوم غمجن يالايام الجنت اكودن بيه ظل يمشي كدام
.................................................. ...................................

طلعت امن الماعون كف كافي يالبين كونك ابنادم جان سويته نصين
.................................................. .............................................

طكيته طاح وكام محتد عليهه ببن امي طكني البين وستافه بيهه
.................................................. .................................................. .
وهناك باقه جميله من الابوذيه للشاعر المبدع جبار شدود ساوافيكم بها فيما بعد بباقه مرهفه من المشاعر والاحاسيس

ودمتم سالمين

الشاعر سعد مشكور العبادي
03-12-2007, 05:02 PM
أنمار شدود راثيا جبار شدود في هذا البيت الرائع بعد مرور ثلاث سنوات من رحيله


وحك كبر التطوف الناس حوله
عله الهم مابكت قوه وحوله
الثالث مر يخوي ودار حوله
كله عضامي ونخر فركاك بيه

ابو يحيى
03-13-2007, 03:11 PM
السلام عليكم
عزيزي ابو علي كما وعدتك ووعد الحر دين عليه
هذا البيت الكامل الناقص من قصيدة ياهلي
للشاعر جبار شدود رحمه الله

هلي شصلت من سنيني شحويت المر هندس كضه ومامش كمركم

مع باقه حب واحترام

ابو يحيى
03-13-2007, 03:12 PM
اسالسلام عليكم
عزيزي ابو علي كما وعدتك ووعد الحر دين عليه
هذا البيت الكامل الناقص من قصيدة ياهلي
للشاعر جبار شدود رحمه الله

هلي شصلت من سنيني شحويت العمر هندس كضه ومامش كمركم

مع باقه حب واحترام
ف تصحيح

ابو يحيى
03-13-2007, 03:22 PM
اسف عزيزي ابو جواد للاخطاء الاملائيه
عزيزي ابو علي كما وعدتك ووعد الحر دين عليه
هذا البيت الكامل الناقص من قصيدة ياهلي
للشاعر جبار شدود رحمه الله

هلي شحصلت من سنيني شحويت العمر هندس كضه ومامش كمركم

مع باقه حب واحترام

ابو يحيى
03-13-2007, 03:32 PM
اهدي هذه القصيده لرواد الشعر من الاخوه والاخوات
للشاعر الراحل جبار شدود
وخاصه لكادر هذا الموقع الرائع الجميل
مع الحب

القصيده عنوانها


علامه

ربك صور بوجهك علامه.........اعله عينك سيف وعله السيف شامه

انطاك وساترك من شر العيون.........الكريم وحاطك بسور السلامه

دفتر وجهك وداره اعله فرجال...... ومثل دورة بدر ليلة تمامه

وخذه الشعرك من خيوط الشمس ليل.........وطرز بين الشفاف ابتسامه

وجمع جيد الغزاله وعين شاهين.........وحسن طاووس وترهدن نعامه

وطهر سدره وعذوبة ماي شلال...............وخصر دله وترف ريشة نعامه

وهبوب عذيبي غبشه ونفحة ورود........ومحنة ناكه ومروة نشامه

وحلاوة كيك عيد اووهج ياقوت........وطراوة بلبل وهيبة زعامه

هذن كلهن جمعهن ياترف بيك..........اموت وقهر يكتلني مرامه

وتعمد حته بالدنيه احترك بيك...........ويحاسبني كبل يوم القيامه

يحاسبني كبل يوم القيامه
.................................................. ...............................

جبار شدود كتبت في امريكا ديترويت

ابو يحيى
03-13-2007, 04:05 PM
احبائي اسف لتطفلي ولكن لحفظ الامانه الشعريه
انا متاكد من هذه القصيده كتبت على هذا الترتيب
ولقد كتبها جبار شدود رحمه الله
في رفحاء في الاسر باراضي الحجاز

.................................................. .................................................. ..............

هلي لليوم منكم ماتبريت..........هذاك انه الوفي وذاك انه ابنكم
هلي ياللي بعزتكم تربيت.........هلي ياليسرس دمي بمسره دمكم
هلي روحي عزيزه وعيب ذليت..........وتستهظم تلوذ بغير فيكم
هلي ليكم رسايل شوك وديت......اووصل مكتوبكم ليه وصوركم
هلي عليكم جثيره ادموع هليت.....اوعليه ادريبه مابطل دمعكم
هلي كلش تراده الحال سليت....وجذب سني ابتشر لحظه منهدكم
هلي مشتاك جدمي العتبت البيت.....وتربي عيوني يوميه الدربكم
هلي شحصلت من سنيني شحويت .العمر هندس كظه ومامش كمركم
هلي وباجر لون للديره رديت....اذوبن شمعه فوك حروف اسمكم
هلي بطرك البدن مشدوه ضليت......عفت روحي رهينه وكلبي عدكم
هلي بكل سجه من ذي قار خليت.......خطوه اذكر الناسيني منكم
هلي وتدرون موش بكيفي صديت...غصب ضعني انحده وشت عن ضعنكم
.................................................. ..........................................

ابو يحيى
03-13-2007, 05:22 PM
اهدي هذه القصيده لرواد الشعر من الاخوه والاخوات
للشاعر الراحل جبار شدود
وخاصه لكادر هذا الموقع الرائع الجميل
مع الحب

القصيده عنوانها


علامه

ربك صور بوجهك علامه.........اعله عينك سيف وعله السيف شامه

انطاك وساترك من شر العيون.........الكريم وحاطك بسور السلامه

دفتر وجهك وداره اعله فرجال...... ومثل دورة بدر ليلة تمامه

وخذه الشعرك من خيوط الشمس خيط.........وطرز بين الشفاف ابتسامه

وجمع جيد الغزاله وعين شاهين.........وحسن طاووس وترهدن حمامه

وطهر سدره وعذوبة ماي شلال...............وخصر دله وترف ريشة نعامه

وهبوب عذيبي غبشه ونفحة ورود........ومحنة ناكه ومروة نشامه

وحلاوة كيك عيد اووهج ياقوت........وطراوة بلبل وهيبة زعامه

هذن كلهن جمعهن ياترف بيك..........اموت وقهر يكتلني مرامه

وتعمد حته بالدنيه احترك بيك...........ويحاسبني كبل يوم القيامه

يحاسبني كبل يوم القيامه
.................................................. ...............................

جبار شدود كتبت في امريكا ديترويت

اسف جدا جدا في الاولى اخطاء املائيه
تحملني استاذ جابر
لك فائق حبي

ابو يحيى
03-13-2007, 06:40 PM
قصائد غنائيه لشاعرنا المرحوم جبار شدود


بعدنه بثوب اهلنه اوذيج الاطباع......سفانه وسفينه اوبحر وشراع

ساجينه المحبه ابدمعة العين........ وصبرنه اعله الفراَك سنين وسنين

مثل صبر المحطات اعله الوداع .........بعدنه بثوب اهلنه وذيج الاطباع
xxxxxxxxxxxxxxxxxxxxxx

بعد ذاك الوفه والطيب بينه.......نسه النسيان روحه ومانسينه

وياما سلهمت عينه وغفه الليل.........وحنه مساهرين انصيح ياويل

قفلنه كَلوبنه ومفتاحهن ضاع.........بعدنه بثوب اهلنه وذيج الاطباع
xxxxxxxxxxxxxxxxxxxxxxx

يظل عشك الفرات وشوَك دجله........ نبض لكَلوبنه وللعين كحله

ورغم طول المسافه وطول الفراَك......دم ادور بيه وغالي يعراَك

وجذب من كَالك ترخص وتنباع.......بعدنه بثوب اهلنه وذيج الاطباع



____________________________________________

ييمه وداعتج دوم اعله بالي......... وطيفج لحظه مافارَك خيالي

لتظنين ناسيج.......هم ارجه وراويج

وشوفي اشسوت ابحالي الليالي.....ييمه وداعتج دوم اعله بالي
xxxxxxxxxxxxxxxx

ييمه وداعتج كل غايب ايعود..........لتايسين مادام الله موجود

ونتي بحالي تدرين........بحالي لاتهمين

المهم حالج اشلونه ايهون حالي......ييمه وداعتج دوم اعله بالي
xxxxxxxxxxxxxxxxxxx

ييمه انتي العمر والزاد والماي.......وعكَب عيونج امست وحشه دنياي

ادري بكَلبج يلوب .......لاجن هذا مكتوب

ويجري الكاتبه الله اول وتالي.......ييمه وداعتج دوم اعله بالي
xxxxxxxxxxxxxxxxxxxx

ييمه الشوك هزني وحنت الروح.....من اذكر ايامج تبتلي جروح

واذكر ايامج......وتنطر اجدامج

وعاين عالدرب ولكَاه خالي........ييمه اوداعتج دوم اعله بالي

ييمه وداعتج دوم اعله بالي
___________________________________________



من تجينه عيونك اترد وحشة الغربه علينه...وتلكَه بينه الشوَك دنيه الشوفتك يالمعتنينه

نفيض حنيه وموده .........وننشتل عالدرب ورده

نفوح ريحه وفه بوجهك من تجينه.....من تجينه عيونك اترد وحشه الغربه علينه
xxxxxxxxxxxxxxxxxxxxx

من تجينه انطير فرحه ونكسر اسوار الخجل....ونملي صفحات الدفاتر بحله جلمات الغزل

انهلي ونزيد المراحب....ياهله ابعز الحبايب

اونعتلكَ شمعة محبه ونضوي بدروب المدينه.....من تجينه عيونك اترد وحشة الغربه علينه
xxxxxxxxxxxxxxxxxxxxx

من تجينه انريد منك ذكره لسنين المضن.....صوغه للروح الغريبه تجيب بعيونك وطن

احنه تعبنه زمنه .......نريد من كَلبك محنه

وحنه صار سنين نسأل عالوفه وماصح بدينه...من تجينه عيونك اترد وحشة الغربه علينه

ابو يحيى
03-13-2007, 07:02 PM
قصيده وطنيه للراحل جبار شدود


ياجبل ياهور يادجله وفرات...............ياعراق الخير ياعز الوطن

يالمثل طبع النخل لو عركَه مات...يموت وكَفه ومايذل راسه الزمن
.................................................. ..............................................

مايذل راسك وتبقه شما تجوع............نار تلهب غيض بزمور الزرك

تكرم بروحك مثل طبع الشموع .........نورك الغيرك وبحشاك الحرك

شما كسرت العبره تسبكَهه الدموع...وخوفي صبري يخونني وكَلبي يطَك

حاضنك مابيت طيات الضلوع.........وعالشفايف راسمك جلمة صدك

احن وهتز شوَك وتحسر ولوع.... وساهر ومامر عله عيوني الوسن

يشفي كل مجروح وجروجك تبات..........نار تسعر بيه ماظن يشتفن

ياجبل ياهور يادجله وفرات...............ياعراق الخير ياعز الوطن

.................................................. ..................................

لكم جزيل الحب

ابو يحيى
03-14-2007, 03:31 PM
قصيده بقلم المرحوم جبارشدود
.................................................. ..................
عنوان القصيده

حال الدنيه

هذا حال الدنيه تفتروالوكت دولاب طبعه

هذا حال الدنيه من تريد تجفيتفاركَالراح من اصبعه

تعودينه اعله البواجي وصار عدنه الحزن كيف وضحجة البطران دمعه

انكابر مكابر غريج مجتف وكل يوم غالي نفاركَ عيونه ونودعه

وكلنه نصبر بلجي تكَضي وماكَضت كل يوم شوغه وسم الموادع نجرعه

وعاشرينه هواي لاجن هاي وادمنه جثير من الزلم مابيهه نشعه

وانته ثوب الطيب من جهلك لبسته ماركَد من ظيم وكتك
الّه ملج الموت وي روحك ينزعه

لو عثر يمك صديجك نهر تطفح نكَطة الغيره بجبينك يسمر وثوبك تنكَعه

ادري باجر من تسافر يمضي سهم جفاك بيه وعيب المكابر يطلعه

وادري من تبعد تخلّي بكل عضو من عضاي وجعه

كون دمع العين ينفع جا حيت روح الصويّح من غرَك بدموع فدعه

خلي صبرك فوَك صبري وبلجن المفطوم يصبر لو فكَد ثدي اليرضعه

وحشمت همهه وقهرهه وعالكَلب سوتهه فزعه

كَله بعدك طال ليلي ومامش اعله السجه شمعه

وانته يمسافر شكَلك غير جلمة راشده النيه شبديه ماله حظ كَلبي ويه ربعه

ماله حظ كَلبي ويه ربعه

ابو يحيى
03-15-2007, 03:31 AM
جنت اظنج صفحه بيضه من الغدر مابيهه وسمه

ومن عرفتج ثاري مامش سطر خالي ولامجان اكتبلي جلمه

وجنت اظنج عود يطرب روحي صوته ثاري خالي من الوفه ومابيه نغمه

بينن وجهين الج حيه وحمامه وياوجه بشعاري ارسمه

انه غبشة صيف روحي ونتي شرجية نخل مابيج نسمه

قسمه مكتوبه اعله كَلبي الفارَك المستور وجهه وتبع وجه
المايعرف المستحه ومابيه حشمه

وقسمه مكتوبه اعله جرحي يعوف جف البيه دواه ويصافح الجف اليلجمه

انه عمري دموع واهات وبواجي وشفه ماضاكَتهه بسمه

لاتظني تغيضني حجايات منج انه مامكَطوع نفسي ورييتي اتريدج هوه

الجان رحتي وله جيتي انتي والمامش سوه

عندي كَمره تضوي ليلي شلي بشموع الصواني بلايه حنه ولا ضوه

هذ انه وهذه طبعي البرحي لو غيري يضوَكه ايصير بعيوني نوه
قلم المرحوم جبار شدود

ابو يحيى
03-15-2007, 04:02 AM
قصيد ه للشاعر جبار شدود رحمه الله واسمها

شرجية نخل

جنت اظنج صفحه بيضه من الغدر مابيهه وسمه

ومن عرفتج ثاري مامش سطر خالي ولامجان اكتبلي جلمه

وجنت اظنج عود يطرب روحي صوته ثاري خالي من الوفه ومابيه نغمه

بينن وجهين الج حيه وحمامه وياوجه بشعاري ارسمه

انه غبشة صيف روحي ونتي شرجية نخل مابيج نسمه

قسمه مكتوبه اعله كَلبي الفارَك المستور وجهه وتبع وجه
المايعرف المستحه ومابيه حشمه

وقسمه مكتوبه اعله جرحي يعوف جف البيه دواه ويصافح الجف اليلجمه

انه عمري دموع واهات وبواجي وشفه ماضاكَتهه بسمه

لاتظني تغيضني حجايات منج انه مامكَطوع نفسي ورييتي اتريدج هوه

الجان رحتي وله جيتي انتي والمامش سوه

عندي كَمره تضوي ليلي شلي بشموع الصواني بلايه حنه ولا ضوه

هذ انه وهذه طبعي البرحي لو غيري يضوَكه ايصير بعيوني نوه

ابو يحيى
03-15-2007, 03:01 PM
عمرمحسوب

يروحي شما يطول العمر محسوب
مكدّر والتشوفه العين مكتوب
شوفي شقاسمه الله عليج مقبول
لان مهمه الشمس مشراكَه يطول

لابد ماتطيح ابحضن الغروب
يروحي شما يطول العمر محسوب
.................................................. .
يروحي الدنيه مايتامّن اله
كون ادّوم جا دامت لهلهه
كل احنه يروحي بيهه خطّار
باجر نرحل وينتهي المشوار

تغيب وجوهنه وتنسانه الكَلوب
يروحي شما يطول العمر محسوب
.................................................
يروحي شما بعدنه شما صبرنه
نموت او تبقه عدهم بس صورنه
مجرد ذكره نصفه وكان ماكان
وفعل ماضي وسم من غير انسان

فقير وغني الهاي الساعه مطلوب
يروحي شما يطول العمر محسوب

الشاعر سعد مشكور العبادي
03-15-2007, 08:22 PM
من خلال اتصالي بالشاعر انمار شدود حول جمع نتاج المرحوم جبار الشعري
وصلت اليه من الاخ ستار ثلاث قصائد للمرحوم تنشر للاول مره
كما تتقدم عائلة المرحوم بالشكر الجزيل لصاحب الموقع الدكتور هاشم احمد
وجميع من ساهم برفد هذه الصفحة الخاصة بالمبدع المرحوم شاعر الغربة العراقي


فيض المحنّه
كَوم وتوجه العه جرحك لاتبيع اسرار للسان اليفضحك
ومن يمر شامت تحله بضحجت البطران وضحك
ولوكَصت بيك المصايب اسمر الدمعه اعله جفنك ونطر
اليوم اليفرحك
انسه همك ونسه حزنك وشهكَ بمكسور جنحك
خل يشوفونك يغالي مبحر بدمع الليالي ومشرع
بضحجات صبحك
وكون تتعذر تشيل الساس منهو يشيل صطحك
وانه اعرفك سيف باشط جذب مابين الشماته اتطيح
والبايج يذبحك
خلّي دمعاتك عزيزه ولاترخصهه وتكت
ولو شفت روحك توازت لا
بثوب العناده اتستر من الناس خافن تشتمت
كَلبي يبجي وسني يضحك
تتلاكَه السجج وياك يل شتل الهرش مشتول بكتار
الكَلب رمحك
وكَولن هم زماني يعود وتهّود جروحي وتشتفي بملحك
وانه اعرفك سيف باشط جذب مبين الشماته اتطيح
والبايج يذبحك

الشاعر سعد مشكور العبادي
03-15-2007, 08:27 PM
سيف مذبوح

شما تبعد نظل واحد انه وياك
وعله جياد الشماته اثنينّه بروح
تظل تغفه وتفز عيني اعله طرواك
ويظل اعله الطريج صبيهه مشبوح
.................................................. .................................
موش انه اليمل مركاض الاشواط


ويتكَبّع بعيبه ومايكَص عيب
وموش انه اليسّكت جرحه الخياط
ولاطبعي اليدور اويه الولايب
انه مرافكَ الزينات من الكَماط
رابي اعله المحبّه وراضع الطيب
انه التموز كَلبك زخّة شباط
جذب ظنّك يغالي بعشرتي يخيب

انه ذراعك اليمنه بملكَه النشاط
اذا مو بيه بيمن جرحك يطيب
يلطيبك بحر وسنيني نكَاط
ياكَلب المودّه الماجنه الذيب
جلمات العتب من شخصك سياط
كل جلمه بعتبهه العامر يشيب
جنت ويّه الزمان توسّلي زماط
وجنت برنو تنوش الصاف وتصيب
وهسّه بسور شوكَك كَلبي محتاط


اسولف بيك ودموعي المكاتيب
انه ذراعك اليمنه بملكَه النشاط
اذا مو بيه بيمن جرحك يطيب
يلطيبك بحر وسنيني نكَاط
ياكَلب المودّه الماجنه الذيب
جلمات العتب من شخصك سياط
كل جلمه بعتبهه العامر يشيب

الشاعر سعد مشكور العبادي
03-15-2007, 08:29 PM
كلنه بصف

تعال انخلي جف ابجف تعال انصير كلنه ابصف

حرام اتشت ضعن ودنه وعله الماتسوه نتواكََف
سجّتنه بياض كََلوب موش مخازر عيون وحجي مكََاطف
يظل عوزك عليه وخلهه بيه تصيروتنومس فخر وبزودك اتشرف

غدر والدكَو النه صدور بيرغهم هوه اعله
الهاويه ومارف
مزامط بالنفاهه ويوم صار الضيج غفله وبالظهر سفو رمحهم سف
دفنو يومنه ومشو عليه الماي وصرختنه نسوهه وماتت اعله الرف
وكل ساعه التعدي يموت بينه حسين كل يوم اليمر عكَب العراق بطف


مرار وسهر ليل وفركَة محبين لاهم ينعد ولاحال يتوصف
غربه ودنيه ركطة خيط سمهه براسهه ونيبانهه مخالف
لجن بحر الصبر ماجف
ورغم سطرات وكتي لحاكَ ومرادف
فضي وماضاك خلكَ الدف
ولا طبع الوفه ويالفاينه توالف
ولا جور الليلي الجارت اعله الروح شحّت بالمحبّه اعله الزعل ودنف


يخي تدري الدرب نيات والدرب البعيد يريدله مناصف
تعال الغايه وحده وياك خل نوكَف
سوه بوجه الوله وماعف

ابو يحيى
03-16-2007, 02:33 PM
قصيده للشاعر جبار شدود بعنوان


معشر الجانون

ظنّيتك كَمر ونجوم تضويلي الليالي السود

ظنّيتك نهر يفلان تروي المعتنيك وتملي عين الجود

وجيت وريت ماجيتك

لكَيتك عكس ماظنّيت حبّك كَاع مسكونه ودرب مسدود

اجيت وريت ماجيتك لكَيتك معشر الجانون مايرحم لهيبه العود

طلع جذّاب صوباطك وغصنك وهم يالعنكَود

غم كَلبي العماه الشوَك وبروحي الكواغد عاشر البارود

خذاني زحوف وتّجي
حسبتك منيتي ورجواي لنّك كَبل شمّاتي عله جروحي الغميجه سيوفك توجي

وصبر صبّيره روحي عليك صبرت والخلكَ تحجي

خل يحجون عين الماتشوف فراَك لاتسهر لاتبجي

وكَلب المايصيبه الظيم يضحك عاليصيح احّا ومن جور الوكت يشجي
حسافه يضيع عمري وياك بين الهلبت وبلجي

وتدري بكَلبي صول جعاب بس ابخطّتك يلجي


مع تحياتي واشواقي

ابو يحيى
03-16-2007, 02:35 PM
معشر الجانون

ظنّيتك كَمر ونجوم تضويلي الليالي السود

ظنّيتك نهر يفلان تروي المعتنيك وتملي عين الجود

وجيت وريت ماجيتك

لكَيتك عكس ماظنّيت حبّك كَاع مسكونه ودرب مسدود

اجيت وريت ماجيتك لكَيتك معشر الجانون مايرحم لهيبه العود

طلع جذّاب صوباطك وغصنك وهم يالعنكَود

غم كَلبي العماه الشوَك وبروحي الكواغد عاشر البارود

خذاني زحوف وتّجي
حسبتك منيتي ورجواي لنّك كَبل شمّاتي عله جروحي الغميجه سيوفك توجي

وصبر صبّيره روحي عليك صبرت والخلكَ تحجي

خل يحجون عين الماتشوف فراَك لاتسهر لاتبجي

وكَلب المايصيبه الظيم يضحك عاليصيح احّا ومن جور الوكت يشجي
حسافه يضيع عمري وياك بين الهلبت وبلجي

وتدري بكَلبي صول جعاب بس ابخطّتك يلجي

ابو يحيى
03-17-2007, 09:42 PM
قصيدة للشاعرجبار شدود رحمه الله اسمها
حلم

نذر ناذر حلم لو ليله مرّيت
انسّيك المصايب وجلي همك
افرشلك بعين وعين اغطّيك
ووسدك عالكَب وبروحي اظمّك
وطشرك خرز سبحه انكَطعت بليل
ولكَطك وحده وحده وبيدي المّك
وخلّي عيوني الك يسمر شواهيد
وكَطع ابتوت كلبي وبيه الظمك
وسولفلك قصص عن اليحبّون
وعن طبع الوفه وبالناس اعلمك
وناغيلك وضحكك وضحك وياك
وكَلك نام يحبيّب ونيمك
وشتل روضك بروحي يقدّاح
وتناني تبوكَك النومه وشمك
وهمس بذنك وبهداي احاجيك
وتظل روحي حمامه تحوم يمك
افور ودمّي يلهب نار بركان
ارحم يالثلج كانون دمك
شكَلك كون هذا الحال يرضيك
بيد الله يبد الذات اسلمك
وذا كَلبك صدك يوفي اليوافيه
وحال الميت بشوكَك يهمك
راويني حنانك يدعج العين
وراويك الوفه شلونه وشيمك
وفرّع وندعيلك يستر عليك
ويحفظك ربي وسم الله اعله اسمك

ابو يحيى
03-17-2007, 09:49 PM
حلم

نذر ناذر حلم لو ليله مرّيت
انسّيك المصايب وجلي همك
افرشلك بعين وعين اغطّيك
ووسدك عالكَب وبروحي اظمّك
وطشرك خرز سبحه انكَطعت بليل
ولكَطك وحده وحده وبيدي المّك
وخلّي عيوني الك يسمر شواهيد
وكَطع ابتوت كلبي وبيه الظمك
وسولفلك قصص عن اليحبّون
وعن طبع الوفه وبالناس اعلمك
وناغيلك وضحكك وضحك وياك
وكَلك نام يحبيّب ونيمك
وشتل روضك بروحي يقدّاح
وتناني تبوكَك النومه وشمك
وهمس بذنك وبهداي احاجيك
وتظل روحي حمامه تحوم يمك
افور ودمّي يلهب نار بركان
ارحم يالثلج كانون دمك
شكَلك كون هذا الحال يرضيك
بيد الله يبد الذات اسلمك
وذا كَلبك صدك يوفي اليوافيه
وحال الميت بشوكَك يهمك
راويني حنانك يدعج العين
وراويك الوفه شلونه وشيمك
وفرّع وندعيلك يستر عليك
ويحفظك ربي وسم الله اعله اسمك

ابو يحيى
03-18-2007, 02:44 PM
باقه جميله من شعر الابوذيه للمرحوم

جبار شدود

تلوج الروح والشامت شفاهه

تلج بسمك فلا فارَك شفاهه

تعال وجيب لجروحي شفاهه

ملح من جيح كَاع الناصريه
...............................

غم كلبي الوفه ومحّد وفاله

شسوي الحظه المكدّر وفاله

طحت مابين سلّيه وفاله

اكطّع هاي تنبت ذيج بيه
...........................

برحه فراكَك لحط روحي لهلهه

وبيابي العين الك دمعه لهلهه

الشجره الماكسر فيهه لهلهه

لكَصهه وموتهه يصير اعله اديه
.................................
شكثر راك الدهر بعضاي ماراك

لجن حيلي من الصدعات ماراك

عيوني البيهه بين الناس ماراك

افكَسّهن وكَولن موش اليه
.................................................. .......

تعافه الشامت ابعلتي وناراك

اوطحت مابين نار الهم وناراك

وحياتك من تره شخصي وناراك

تلاكَيني وتضيع العرف بيه
..............................

تكتّر شلّك بعذلي ونهواي

اشتظن تكَدر تطفّيني ونهواي

حريمه اشتم هوه الغربه ونهواي

اليرد رويحتي من الناصريه
..................................

ظهر كَط ماتريّح ونتجالي

لجن رجواي بالله ونتجالي

بحر صبري يدهري ونتجالي

اهدمك لو يطك الغيض بيه
.............................

دار مشنشله بكَلبي لبنهه

الك يالخوّتك صافي لبنهه

شتظن بالفاجده وحنت لبنهه

بعد وكثر حنين عليك بيه
................................

دليلي من القهر والهم عليمن

بسبب لن فازت الخرشه عليمن

يمربي اعله الدرب تربي عليمن

اجيك زحوف كون ايصح بديه
..................................

خليلك روحه ماخانت بخلّه

خلّت والسبب فكدت بخلّه

تعال تلاحكَ الناري بخله

سرت من الجدم للهلم بيه
............................

نشدته وجاوباني بزجر ولتاف

شتبي وحير دليلي بسور ولتاف

يوي اوه امّداني صحت ولتاف

اعله حظي الحزّمك تغتر عليه
...................................

مدري شجنهه جنهه منّصفه

ومكَطوعه يصاحب منّصفه

وحكَ الله ويه بدره منّصفه

يشع قاطات ضي خدهه اعله ضيّه
.................................................. ..............

بده ولازاح هم كَلبي ولفضاه

رطن ماينعرف حجيه ولفضاه

صد ونداريالجسار شوف شصار
والجبّار لابرضه ولفضاه

خلك شمس تشع صبح ومسيّه
.................................................. .............

شيوفي رباج يايمه ودينج

طفح شوكَي ارد احب راسج ودينج

ويظل ذكرج وحك ربج ودينج

مع دم الوريد يدور بيه
..................................

من يوم ارحلت ونشد رحالاك

تدور بوسط دلالي رحلالاك

الجانك يالولد مامش رحالاك

انه بعدك اون ونحب سويه
..................................

دنام الليل يمفاركَ ولفهود

ولك ذلت ضواريهه ولفهود

وحكَ بردي جبايشنه ولفهود

انام الليل جن بفراشي حيه
....................................

شما تبعد يغالي التفت لوراك

وخل كَلبك جلد عالظيم لوراك

نذر ينمار ناذر يوم لوراك

لطش عمري اعله راسك واهليه
...................................


اخواني اخواتي لاتبخلو بقراءة الفاتحه لروح المرحوم جبار شدود
يرحمكم الله

الشاعر سعد مشكور العبادي
03-19-2007, 05:27 AM
سيف مذبوح


شما تبعد نظل واحد انه وياك

وعله جياد الشماته اثنينّه بروح

تظل تغفه وتفز عيني اعله طرواك

ويظل اعله الطريج صبيهه مشبوح

.................................................. .................................

موش انه اليمل مركاض الاشواط

ويتكَبّع بعيبه ومايكَص عيب

وموش انه اليسكّت جرحه الخياط

ولاطبعي اليدور اويه الولايب

انه مرافكَ الزينات من الكَماط

رابي اعله المحبّه وراضع الطيب

انه التموز كَلبك زخّة شباط

جذب ظنّك يغالي بعشرتي يخيب

انه ذراعك اليمنه بملكَه النشاط

اذا مو بيه بيمن جرحك يطيب

يلطيبك بحر وسنيني نكَاط

ياكَلب المودّه الماجنه الذيب

جلمات العتب من شخصك سياط

كل جلمه بعتبهه العامر يشيب

جنت ويّه الزمان توسّلي زماط

وجنت برنو تنوش الصاف وتصيب

وهسّه بسور شوكَك كَلبي محتاط

اسولف بيك ودموعي المكاتيب


.................................................. ............................

سمح كَلبي وجبير وعيب يختاض

وذنب خلّي بشريعة عمري مشروع

عش انه الصديجي وموش محباض

يظم الغدر حدره وراسه مرفوع

مهر للخوه كَلبي ومهرتي بياض

وثلاثيني ابدربهه اعلكَهن شموع

شعجب تفحط المافحّطه مركاض

شعجب تتعثر وتتوجّه وتلوع

تدري الغيم بجويريد لمّاض

وطعنات الدليل اتمر بالضلوع

يالمبيّس ومكَصي وموجروماض

اعله هونك لاتعت بجناح مخلوع

يسيفي البيك بس لجفوفي مكضاض

بيك انذبح وانه بطركَ الجموع

تبات بحزني وي ضحجاتي العراض

وانه بعازت جفوف اتنشف الدموع

يالمهود الجرح يمشافي الامراض

يالمرّوي العطش يمشبّع الجوع

يظل جرحي بعبيطه مفيّض فياض

وبخنجر فراكَك يبكَه مبضوع

سهل ذنب الحبايب موش غيّاض

اوخفي وياهم عتبنه وموش مفضوح

اظل كَيّم يغالي بحضرة هواك

وتطوف بذكرياتك روحي وتنوح

شما تبعد نظل واحد انه وياك

وعله جياد الشماته اثنينّه بروح

الشاعر سعد مشكور العبادي
03-19-2007, 05:28 AM
فيض المحنّه

كَوم وتوجه العه جرحك لاتبيع اسرار للسان اليفضحك

ومن يمر شامت تحله بضحجت البطران وضحك

ولوكَصت بيك المصايب اسمر الدمعه اعله جفنك ونطر

اليوم اليفرحك

انسه همك ونسه حزنك وشهكَ بمكسور جنحك

خل يشوفونك يغالي مبحر بدمع الليالي ومشرع

بضحجات صبحك

وكون تتعذر تشيل الساس منهو يشيل صطحك

وانه اعرفك سيف باشط جذب مابين الشماته اتطيح

والبايج يذبحك

خلّي دمعاتك عزيزه ولاترخصهه وتكت

ولو شفت روحك توازت لاتصيح دخيل

واكح ووكَف بوجه الوكت

لاتظن صاحب يمد جفّه ويكومك لو طحت

ولاتظنش غير جفك يفزع النخواك لو حيهم صحت

يبو عيون التسجب بفيض المحنّه

ومثل كَلبك شجره وتفيّ اعله اهله ماشفت

ادري حزن البيك دنيه ودري للجلمود حسراتك تفت

جنت اظن اتدوم ماظنّيت ضعني ايطاوع

الحادي وبلايه اوداع عن ضعنك يشت

وانه ذاك الجنت للتايه دليل وراي هسّه انه التهت

خيط ليلو رويحتي وتدري انته بيهه ماتحملش عت

وجف هجرك يعت

لاجن بثوب العناده اتستر من الناس خافن تشتمت

كَلبي يبجي وسني يضحك

تتلاكَه السجج وياك يل شتل الهرش مشتول بكتار

الكَلب رمحك

وكَولن هم زماني يعود وتهّود جروحي وتشتفي بملحك

وانه اعرفك سيف باشط جذب مبين الشماته اتطيح

والبايج يذبحك

ابو يحيى
03-19-2007, 02:43 PM
قصيده كتبها المرحوم جبار شدود ردا على قصيده
للشاعر كريم الجسار
اني لااحفظ قصيده الاخ الجسار لاكن مطلعها يقل فيها
بعتاب الاحبار للمرحوم جبارشدود

دكَ بابي ولو دكّة كباره ونشد جذابي


حيث اجاب عليه المرحوم جبار شدود بهذا القصيده العبره واسمها
.................................................. .............................................
عتب احباب

عتب احباب ينبع من سواجي الروح وتفيض المودّه عتاب

كَول شما حلالك كَول مايهضمني حافر مهرتك لو علي ذرّه تراب

صاحب حَك وبو الحكَ ماعليه منكود وماتبطل صلاته الوجهه للمحراب

ادَك الباب ونشد من كَلب ولسان مو دكّة كباره ولانشد جذاب

ادكَ الباب لهفه وكون بيك جروح الملَك وشلة سنيني وبكَايه الروح
وجبر خاطرك واحركَهه الك عطّاب

يهالتعتب وتدري بحال روحي شلون لشّه معلّكَه بكَنّارة الكَصّاب

الصاحت اخ تسمع صوتهه الشمات والسكتت مصيبه وبيهه ميت صواب

تحمّله عتب والهم عليهه عدول ماتدري الزمان شودّه بيهه وجاب

صارت جالغزاله الحوّطاهه الموت طاردهه النمر ومناحره النشّاب

وتعاتبهه اعله وصلك ونته بيهه تعيش وغيرك يالذخر مامش ذخر بصحاب

وشتفيد الليالي ملامع النجمات اذا كَوطر كَمرهه وشد رحاله وغاب
.................................................. ............................................

رحم الله من قرا الفاتحه لروم شاعرنا جبار شدود

ابو يحيى
03-19-2007, 02:45 PM
قصيده كتبها المرحوم جبار شدود ردا على قصيده
للشاعر كريم الجسار
اني لااحفظ قصيده الاخ الجسار لاكن مطلعها يقل فيها
بعتاب الاحباب للمرحوم جبارشدود

دكَ بابي ولو دكّة كباره ونشد جذابي


حيث اجاب عليه المرحوم جبار شدود بهذا القصيده العبره واسمها
.................................................. .............................................
عتب احباب

عتب احباب ينبع من سواجي الروح وتفيض المودّه عتاب

كَول شما حلالك كَول مايهضمني حافر مهرتك لو علي ذرّه تراب

صاحب حَك وبو الحكَ ماعليه منكود وماتبطل صلاته الوجهه للمحراب

ادَك الباب ونشد من كَلب ولسان مو دكّة كباره ولانشد جذاب

ادكَ الباب لهفه وكون بيك جروح الملَك وشلة سنيني وبكَايه الروح
وجبر خاطرك واحركَهه الك عطّاب

يهالتعتب وتدري بحال روحي شلون لشّه معلّكَه بكَنّارة الكَصّاب

الصاحت اخ تسمع صوتهه الشمات والسكتت مصيبه وبيهه ميت صواب

تحمّله عتب والهم عليهه عدول ماتدري الزمان شودّه بيهه وجاب

صارت جالغزاله الحوّطاهه الموت طاردهه النمر ومناحره النشّاب

وتعاتبهه اعله وصلك ونته بيهه تعيش وغيرك يالذخر مامش ذخر بصحاب

وشتفيد الليالي ملامع النجمات اذا كَوطر كَمرهه وشد رحاله وغاب
.................................................. ............................................

رحم الله من قرا الفاتحه لروم شاعرنا جبار شدود

ابو يحيى
03-24-2007, 01:51 PM
مجموعة مواويل جمعتها للشاعر جبار شدود رحمه الله

بس انته بيه تهم يالبيك اهم بسّنه

فاض وتبده الصبر ومن القهر بسّنه

حاشاه رب العرش لاماذكر بسّنه

وكدر علينه القهر من دون انسن وجن

تبجي الصخر حالتي لو ليلي جلجل وجن

يالناطريتك عمر وسنين راحن وجن

سيّر عليه بحلم مره ولو بسّنه
................................................

ياما سطرني الوكت لاجن فلا هامله

ماكتله دخلك وبد مادنكَت هامله

بس بذجركم تكت عيني ولكم هامله

من حيث في الغرب ماهو بثخن فايكم

شطرين صار الكَلب يهلي بسبب فايكم

يابحر الاظلم عجب جف العضب فايكم

والشامت مصابكم زاح شكثر هامله
.........................................

ياكلبي ابد مابكَه الخاطرك صاحب يسر

اتسرّه ولعد شامتك يركض بسرّك يسر

وتبدّلت دنيتك تمت يمنه يسر

معلول مالك دوه تكَوم وتكع خلّتك

وضيّعت بيك العرف احبابك وخلّتك

لتظن عكب جف علي يعين ويسد خلّتك

تتروه من منهله ايّامك مسره ويسر
.........................................

تم مثل اخوي الوكت وبن امّي ماينعلي

ولجماته صبح ومسه مايوم ماينعلي

وسيل المصايب جرن موجات ماينعلي

وعنّي اللسان الردي زح بالسوالف وكت

ماريد افصل الحجي تفصال كيت ٍوكت

هسّه انته ندي صرت من عمت عين الوكت

تشتري منّي الثلج وتبيعه ماينعلي
..............................................

روحي شيكَضهه انولت ماتشكي ظيم ٍ لحد

وحسرته كون بجبل جا كفر منهه و لحد

وياشوكهه الكم الا مالانهايه و لحد

وكل يوم سوط الهجر يجلدهه الف جلده

يوصل الحد العضم وينزعه من جلده

لاجنهه جلده طبع بويه شكثر جلده

وشكثر حملت قهر الله عليهه ولد
............................................

الفاتحه لروحه يرحمكم الله

عادل الحنبوزي
04-12-2007, 12:21 AM
شكري وعظيم أمتناني لكل الاخوه الذين ساهمو في جمع ونشر قصائد شاعرالناصريه المرحوم جبار الشدود وبالاخص الاخ سعد مشكور والاخ ابو يحيى وباقي الاخوان الاعزاء
جزاكم الله الف خير لوفائكم واخلاصكم لفقيدنا الغالي
وأرسم على أكفكم قبلاتي الحاره
عادل الحنبوزي
الناصريه

كرم البدر
04-21-2007, 12:28 PM
لا يسعني هنا الا أن اقدم شكري وتقديري لكل من ساهم بتدوين وجمع روائع راحلنا الكبير جبار شدود تغمده الله في رحمته...وهنا اذكر هذا الزهيري كمساهمه بسيطه مني وباحد روائعه......



تانيتكم والدمع كت على خــــــدي وهل
وهلالكم يا هلي ما بان ليـــــــــــلة وهل
صح فارجتكم لجن هل يسله كـَلبي وهل
روحي التودكم يهل تسله الزمان الــــراح
عاشور عمري صفه ما يوم شفت اــــلراح
الراح المفارج محب يصفج يظل الـــــــراح
اشحال المفارج وطن ديرة وحبايب واهل


لكم شكري وتقديري مرة اخرى وفاتحة الكتاب لروحه الطاهره

°°انمار شدود++
04-23-2007, 11:12 PM
كتبت هذه القصيده في مخيم رفحاء
للاجئين العراقين سنة 1992
مخاطبا بها اطفال اخيه ستر والذين هم بمثابة
اطفاله من حيث الشعور والمسؤليه
املا ان تنال رضاكم

طيور السعد

امنين اجيب جناح للروح وتطير
وتغفه يمكم ساعه يطيور السعد
وعد هذا فراكَكم لابد يصير
وانه يحبابي اشبديّه اعلَه الوعد
.................................................. .......................
وعد لاجن خوفي من صَبري يدوم
ويكَضن سنيني بحطّات السفر
والسفينه التجفي مرساهه وتعوم
لابد اتفضّي خلكَهه ويالبحر
وانه خلكَي زغير والّلايم يلوم
ومن سهرعيني غفت عين السهر
بشوكَي اعثر ونتخي بصبري وكَوم
وماكَطعت الياس وتنطّر خَبَر
امزانك ويه الروح اهوّده وتزوم
تريدكم يالساعة جفاكم دَهر
جالحَمَامه التيّهت عشهَ وتحوم
وجل عليه الليل والدنيه مطر
يتنه عيده ويفطر ابفرحه اليصوم
وانه عمري صيام جبته من المهد
مافطرت ابفرحه كضّيته سعير
وناركم لليوم ماخمدت ابد
.................................................. ....................
تطرب الوادم كبل روحي بغناهه
اوهسّه سَلوه وسوله صارله الونين
صفت مثل البايره ومحّد خذاهه
وشيبن كذلتهه نكبات السنين
الفرحه باعته ابرخص والهم شراهه
اومثل وركَة تتن يطويهه الحنين
تصيح يحبابي ويجاوبهه صداهه
ايكله كطعي الظنّه لاتتنطرين
تعب من جفوفي وكتي ومالواهه
بس لواهه فراكَكم يمدللين
ويشهد الباري مثل عيني وبجاهه
مابجت لحسين عين ام البنين
تشركَ شما غرّبت شمس بسماهه
وجذب عين الشمس يجهبهه الرمد
امنين اشم خدودكم ساعته احير
يللي حنظلكم عله شفافي شهد
امنين اجيب جناح للروح وتطير
وتغفه يمكم ساعه يطيور السعد

تحياتي للجميع
اخوكم انمار شدّود

الشاعر سعد مشكور العبادي
05-02-2007, 01:04 AM
العزيز انمار
حاول قدر المستطاع ان تضع المشاركات الخاصة بالمرحوم في هذه الصفحة
كي نعيد نشرها..

hassan
10-17-2007, 10:36 PM
رحمة الله على شاعرنا الشهيد جبار شدود الى يوم القيامه وجزاه الله خير الجزاء بكل حرف
كتبه للعراق وآل البيت عليهم السلام وانا حينما قلت الشهيد نعم هو يستحق ذلك لانه جاهد
بقلبه ويده ولسانه وفي نهايته قضى نحبه غريباً والرسول الاعظم ص يقول
من مات غريباً مات شهيدا كيف وهو الذي مات غريباً مهضوماً مظوما وعلى ولاء
محمد وآل محمد هنيئاً لك الجنه ياجبار ورزقنا الله شفاعتك
اخوكم حسن زيدان الطائي