اجمل قصيدة غزل قرأتها في حياتي

--------------------------------------------------------------------------------

يالمفخور خصرك بي اتباهي الناس
نسيت آنه الفخرته ابحر براكيني
اهمس جوه اذنك بين اديه اتذوب
اوتصرخ من المك بعد بديني
مشت بيك الشفايف مشية السكران
اوشاماتك صحت هيه التدليني
اسد باب العقل من اندمج وياك
وافتح باب اطلّع كل سواديني
چنت تغفه اعلى صدري اوتستلذ بالنوم
اوشعرك چان مدمن مشط چفيني
وذا صابك مرض اتمنه بيه ايصير
واتقصد احضنك حتى تعديني
شتلتك عود يابس شارد امن النار
اويوم الخضّرت تنكر فضل طيني
عفت گاعي غفل خط رجعه ماخليت
اوسكنت ابمزهريه من خزف صيني
ورداتك وحيده امگابله الشباك
تحلم بالندى اوتتذكراسنيني
اسنين الچنت اذبحك بس چنت ترتاح
اومن تنزف وراهه اتبوس سچيني
وازاك الخريف اتريد هسه اتعود
ماترهم بعد لو ترهم ابعيني
لان بيه طبع ماالتفت عالراح
عاشرتك زمن تعرف قوانيني
بس ايجوز اسامح گلبي بالساعات
لتگلي ا شوكت من الله يهديني

لـ ( يحيى العلاق )

قصيده جميله واختيار اروع اخي
يسلموو الايادي وفي انتظاار المزيد
تحياتي سالي

حســــــــــــــن زيدان

وكمـــا انت مبدع وفنـــّـان في كل ما تخطــّــه اناملك

فــأنت مبدع في الأختــــيار والذوق الرفيــــع

لك تحياتي شاعرنا الرائع

اهلا ومرحبا بك اخي
حسن زيدان
والله حقك ان تقول
اجمل قصيدة غزل قراتها بحياتك
لانها بالفعل رائعه وتستحق هذا الوصف
ولكن الاكثر روعه هو من نقلها لنا
والذي عودنا دائما على كل شيء جميل
شكرا لك اخي الطائي
ودمت بخير

الاخت الفاضله سالي
شكراً لمروركِ اختي الغاليه
حسن

الاخ الغالي علي الزيدي
شكراً لمرورك وشكراً على اطرائك اخي المحترم
اخوك حسن

الاخ المحترم سالم التميمي
توقفت كثيراً ... لكي اسوغ لك كلمه او تعبير يكون كفؤاً لشخصك الكريم فلم اجد
لك مني خالص التحايا بأتمها واكملها اخي العزيز
اخوك حسن زيدان

أختيار موفق لقصيدة جميلة تحمل وصفا دقيقا ورائعا
تحياتي لك أخي العزيز حسن وشكرا للنقل

لك خالص تحياتي وامنياتي لك بالتوفيق
وشكراً على مرورك اخ لقاء

thank u